No. 69. 1367. 6. Mai.

Wir Friderich, Balthazar vnd Wilhelm voii gots gnaden lancgrauen in Du ringen, marcgrauen zcu Myszen in dem Osterlande vnd zcu Landesperch, grauen zcu Orlamunde vnd herren dez landez zcu Plizsen bekennen vnd tun kunt vffenlich an desem brife allen den dy in sehen hören oder lezen, daz wir mit wolbedachtem mute vnd gutem vorrate vnser heymlichere den bescheiden . . purgermeyster, . . reten vnd der stad gemeynlichen zcu Lipczk vnsern lieben getruwin von sunderlicher gunst vnd gnade vnd ouch durch eczlicher merglicher gebrechen willen, die dy selbe vnser stad von burne holzces wegen hat gehabit, fumfhundert acker holzces gelegen hinder deme hofe zcu Warin gein der stad Lypczk, dye sye wyder den strengen ern Hansen Porczken rittere vnsern lieben getruwin vnd syne erben recht vnd redelich

42

gekouft haben, mid allen rechten eren gewonheyten vnd nuczen, alz die der selbe er Hannus vormalz von vns herbracht hat vnd besezzen, zcu rechtem lehen gelygen haben von vns vnd allen vnsern erben vnd nochkumlingen geruwiglich zcubehalden vnd ane allez hindernizze zcu besiczene ewiglichen, vnd lihen in ouch dye egnanten fumfhundirt acker holzces mit allen rechten vnd gewonheyten alz obengeschriben stet gnediglich mit kraft dicz bryfes, der gegeben ist vnder vnsern hanginden insi- geln noch gots geburde drizcenhundert iar donoch in deme sybin vnd sechzcigisten iare am dornrstage noch sende Walpurgen tage. Daby sint gewest vnd ouch gezcuge die strengen er Nycel Kuchemeyster, er Henzce von Kokericz, er Offe von Slywin, Syffrid vnd Syfrid von Schonfeit ritter, Hold von Ottendorf, Heinrich Scharroch, Friczolt von der Nazsaw vnd ouch ander guter lute gnug den wol ist zcuglaubin.

Nach dem Orig. im Kathsarcliiv zu Leipzig mit den Reitersiegeln der Markgrafen Friedrich, Balthasar und Wilhelm an Schnüren von rother und grüner Seide.