No. 486. H7o. 30. Oct.

Wir von gots gnadenn Ernnst des heiligen Romischenn reichs erczmarschalk knrfnrste vnnd Albrecht gebrudere herczogen zcu Sachssenn —- bekennen —, das vor vnns körnen sind di^ gestrengen Nickel Pflug zcum Knuthayn iczt hewptmann zcu Lipczk, Heinrich Pflug zcu Zcebicker vnnd Hans Pflug zcu Szchocher vnnser üben getrinvenn vnnd habin vnns zcuirkennen gebin, wie sie ire lehn n, so sie obir eczlich hußer in der stad Lipczk gein dem closter predinger ordens obir an der ecken gelegen zcu der rechten hand als man in das groß collegium gehit biß an das Grymmisch thor habin, vnnd eyn büß vff dem slos graben bey der von Huge- wicz büße von vnns zcu lehn rurende") denn ersamen dem rate doselbst zcu Lipczk vorkoufft noch besagunge der briue doruber gegebin vnnd gebetin habin, solch ir vorkoufft gerechtikeitt von yn vffzcunemen; so habin vnns die egnanten der rath zcu Lipczk demuttigüch gebetin, yn vnnd iren nachkomen solch guter gnediglich zcuuorerbin, sich der als erbguter recht ist zcugebruchen. Also habin wir ire demutige

bete, auch vlissige trawe anneme dinste, als die gnanten Pfluge, auch die von Lipczk vnnsern furfarnn, vnserm hern vnnd vater vnnd vnns vfft truwelich getann habin, tegelich thun vnnd ernoch thun sollen, angesehin vnnd die lehnn von den gnanten Pflügen vffgenommen vnnd solch guter, die vormals lehnguter gewest sind, dem rate vnnser stad Lipczk auß rechten wissen vnnd wolbedachtem mute vorerbit vnnd vor- eigent in der bestenn forme vnnd masse als von rechte gescheen mag, vorerbin vnnd voreigen auch yn vnnd iren nachkomen solch guter hirmitte geinwertiglich vnnd gnediglich —, solch hußer als der stad erbguter zcuhabin, der Zeugnissen vnnd zcu- gebruchen, domitte zcu schaffen vnnd zcubestellen, als mit erb vnnd eigen gutem recht vnnd gewonheit ist —. Hirbey vnnd obir sein gewest die gestrengen vnser rete vnnd üben getruwenn Hugold von Slinicz obirmarschall, Bernhard von Schon berg landtvoit zcu Sachssen, er Caspar von Schonberg ritter landtvoit zcu Missen vnjid ander glaufbjwirdiger mehr. Zcuorkunde mit vnnserm herczogen Ernnsts anhangendem ingesigell, des wir herczog Albrecht hir zcu mitgebruchen, wissentlich besigelt vnnd gebin zcu Lipczk am inontage noch Simonis vnnd Judae noch Cristi geburt vierczenhundert dornoch ym funffundesibinczigisten iarenn.

Nach dem Orig. im Rathsarchiv zu Leipzig mit dqm Siegel des Kurfürsten an einem Pergamentstreifen.