No. 90. 1385. 26. Sept.

Wir Wilhelm von goczs gnadin marcgrafe zcu Mizsen, in dem Ostirlande vnde zcu Landisperg bekennen vffinlichen vnde tun ku-nt mit disem geinwertigen brife, daz wir den ersamen wisen luten den burgermeistern, ratisluten, rate, den burgern gemeinlichin der stad zcu Lipczk vnde allen iren nachkomen die vischstad vor Vdericzsch mit dem dorfe Vdericzsch recht vnde redelichin vorkouft habiu, daz gelt, dauor wir yn die habin vorkouft, sie vns ouch genczlichin vnde zcu male

OT:

beczalt habin, des seibin koufis wir ouch eyn gewere sin sullen vnde wullen also recht ist, vnde wir habin ouch den obgenantin burgermeistern, ratisluten, reten vnde burgern gemeinlich zcu Lipczk vnde allen iren nachkomen die vorgenantin tichstad vor Vdericzsch vnde daz dorf zcu Vdericzsch mit allir zcugehorunge mit guten wiz- zen zcu rechten lehen geligen vnde lihen yn ouch daz egcnante dorf vnde tichstad zcu rechten lehen mit disem brife gnediglichin von vns vnde vnsern erbin geruwig- lich vnde ewiglich zcuhaben vnde zcubesiczen. Die egenantin burgermeistere, ratis- lute, rete vnde bürgere gemeinlichin der stad zcu Lipczk vnde alle ire nachkomen sullen ouch von dem mergenantin dorfe Vdericzsch vnde von der tichstad vor Vde riczsch vnser, vnsir erbin vnde allir vnser nachkomen gehulte gesworne man sin vnde sullen vns dauon getruwe vnde gewere sin, als eyn man sime herren zcu rechte sin sal ane argelist vnde geuerde, vnde habin des zcu orkunde merer Sicher heit vnde ewigem bekentnizse vnser insigel an disen geinwertigen brif wizsintlichin lazzin hengin. Darby sin gewest vnde sint geczuge der edele er Albrecht burc- grafe von Lizsenig, herre zcu Rogksberg, die gestrengin er Ditherich vnde er Fri- derich von Wiczeleyben, er Tamme Phlug, er Heinrich von Bunow, Conrad von Bresenicz vnde andir lute gnug den wol ist zcugloubin. Gegebin nach goczs geburt dryczenhundirt iar in dem funfvndeachczigsten iare am dinstage vor Michaelis des heiligen erczengels.

Nach dem Orig. im Eathsarchiv zu Leipzig. Das an einem Pergamentstreifen befestigt gewesene Siegel ist bis auf ein kleines Bruchstück verschwunden.