No. 108. 1395. 22. Juli.

Wir Friderich, Wilhelm vnde George gebrudere von gots gnaden landgrauen in Duryngen vnde marcgrauen czu Mißen bekennen —, daz wir Henriche Scherer burger czu Lipczk czu diner vnd gesynde vnd czu vnserm buchsenmeister enpfangen vnd genomen habin, vnsir buchsen czu wartin vnd die czu vertigen vnd vns daniite czu dynen alle die wyle er lebit, wenne vnd wo wir des bedurffen; darvmbe wir ym ouch alle iar czu Lipczk von vnsir landbete uff send Michels tag vier schok groscheu vnd eyn maider korns ufczuheben vorheißen habin, vnd heißen ouch dauon vnsern schosser der iczunt da ist adir czu gecziten da sin wirt, lieber getruwer, daz du ym die gnanten vir schok vnd eyn maider korns von vnsir landbete alle iar uff send Michels tag langes vnd reiches. Dar czu wir im ouch eyn hofegewand alle iar uff ptinksten geben wollen. Were abir, daz er vnsir vnd vnsir buchsen vnd dinstes nicht enwartte alse mogelich were vnd also vorgeschriben stet, so habin wir daz czu widderruffen. Czu vrkunde haben wir im diesen brieff mit vnserm Fride- richs secret, des wir Wilhelm vnd George gcbruchen, vorsigeld gegeben czu Alden- burg nach Crists geburt drvczenhundert vnd in dem fiinfevndenuynczigesten iare am donrstage send Marien Magdalenen tage.

Nach dem Copiale 31 fol. 87 im K. Haupt -Staatsarchiv zu Dresden.