No. 94. 1386. 20. Dec.

Wir Friderich, Wilhelm viide George gebruder von gots gnaden landgrauen zcu Duringen vnde marcgrauen zcu Missen bekennen vnde tun kunt uffelichin mit diesem briue, daz wir sunderlich durch got, zcu lobe vnde zcu eren der lobelichen muter vnde mayt Marien vnde des heiligen herren sente Johans des touffers, vnsir, alle vnsir eidern, vorfarn vnde nachkomen zcu eyme ewigen gedechtnisse, seien seli- keit, zcu tröste vnde gnaden daz vorwerk gelegen in dem dorffe Dösen*) des gerich- tes zcu Lipczk mit den zcinsluten vnde hofen darynne, mit agkern wiesen holczern puschen weiden vnde mit allin synen nuczen dynsten vnde zcugehorungen besucht

57

vnde vnbesucht, vnde nemelich mit eyme drittenteyle eyns lehinpherdes daz wir dar- uffe gehabt habin, alse die alliz der gestrenge ritter er Otte Phlug vnsir lieber getruwer biz her von vns zculehen herbracht, gehabt hat vnde besezzen vnde vns die oueh williglich in vnsir hende hat uffgelazen, dem spitale zcu sente Johanse des touffers vor dem Grymmeschen tore vnsir stat Lipczk gelegen vnde den armen sie chen, die darynne synd, zcu rechtem eigen gegeben geeigint vnde gefriet habin, eigenen vnde fryen ewiglich darczu zcugehoren zcuuolgen vnde daby zcublieben in allir wirde vnde maze, alse vorgeschriben stet vnde alse eigens recht vnde gewon- heit ist. Vnde vmbe daz, daz denselben armen siechen die egnanten guter nucze vnde czinße deste redelichir vorgestanden vnde ordenlich gereichit werden, habin wir von sunderlichir gunst vnde gnaden den bescheiden luten dem rate zcu Lipczk, die da iczund synt adir denn da zcu gecziten syn werden, vnsern lieben getruwen die vormundeschafft ubir die egnanten guter nucze vnde czinüe beuolen vnde beuelen, so daz sie die siechen damite getruwelich vorstehin vnde yn die redelich reichen sullin, als sie gote, vns, vnsern erbin vnde nachkomen daz getruwen zcuuorantwerten. Vnde habin des zcu orkunde vnde merer sichirheit wir Friderich vnser sigel, des wir Wil helm vnde George obgnanten syne bruder zcu diesem mal mit ym gebruchen, wizzintlich an diesen brieff lazin hengen. Daby synt gewest alse geczuge die gestrengen vnsir lieben getruwen er Thamme Phlug, er Offe von Sliwen, er Jan von Hugewicz ritter, Otte Phlug der eider, Nigkel von Ertrnarstorff vnde mer fromer lute den wol ist zcuglouben. Gegebin zcu Lipczk am dornstage sente Thome abinde des heiligen zcwelfboten nach gots gebort driczenhundert iar darnach in dem sechsvndeachczi- gesten iare.

Nach dem Orig. im Rathsarchiv zu Leipzig mit dem Siegel an einem Pergamentstreifen