No. 158. (1426.)

Vnsern willigen dinst zcuuor. Ersamen wol wiesen herren vnde besundern gunstigen forderer. Wenne dy von Friberg den von Keinpnicz geschrebin habin, dy von Kempnicz vns, des glichen wir uwer vornemen wicsheit ouch vorkundigen, das vnsere gnedige frauwe dy her- czogynne eyne warhaftige schribunge getan hat, wy das czwene Studenten dy stete an legen wollen vnde von den ketczern geld dorvmme genommen haben, dorvmme wir ytczund in grosser sorgsamekeit synd, das wir an den toren lassen hüten vnde vil wechter des nachtes uff eyuc warnunge zcu gelegit haben. Der eyne hat eynen grauwen geflickten mantel an, der ist vnden vrnme den hals mit blauwen tuche gefiltert vnde had eyne swarcze vndirioppe an von parchan vnde eyne grauwe kogel uff, so hat der ander eynen grauwen rock an mit angeczogen ermein vnde eyne swarcze mütcze uffe, vnde had swarcz har; dornach wisset uch zcu richten vnde habet achtunge dor uff vnde schribet das ouch ändern steten. Gegeben vndir vnser stat secret.

Burgermeister vnde ratmanne zcu Rochelicz.

Den ersammen wolwiesen burgermeister vnde ratmanneu der stat Lipczk vnsern besuu- dern günstigen herren vnde forderern.