No. 86. 1384. 21. Juni.

Wir Wilhelm von goczs gnadin marcgraue czü Mizsen, in dem Ostirlande vnde czü Landisperg bekennen offinlich vnde thun kunt mit disem brieue, daz wir

50

lutirlich dorch got, vnser eidern, vnser vnde vnser nachkomen seien czu selikeit vnde czu tröste eyn vnde czwenczig scheffil korns, eyn vnde czwenczig scheffil hafern, czwelf scheffil gersten Lipczs mas, die da geuallin vnde legen an sechs hufen landis, die da gelegin sint in dem felde vnde flure des dorffis zcu Fuchzhal in der phlege czum Nuenhofe, vnde darczu an den egnanten sechs hufen landis an ie der hufe nun groschin, czwelf hunre vnde czwene Schillinge phennynge allis ierliche gulde mit sulchin wirden nuczczen friheiten vnde eren, als die egnanten gulde vnde czinse der bescheiden Nickel Selnicz burger czu Lipczk vnser liebir getruwer von vns bis her gehabt gebrucht besezzin vnde vns die williglich in vnser hende vfge- lazzin vnde sich der vorczigen had, dem spitalle vnde den armen sichin die dorynne sint zcu sente Johanse vor dem Grymmischin thore gelegin vor der stat zcu Lipczk williglich geeygent vnde ggebin habin vnde eygen vnde gebin ouch die obgnanten gulde vnde czinse von vnser furstlichin gewalt zcu dem vorgnanten spitalle zcu sende Johanse vnde den armen sichin gnediglich mit disem briefe, gerugiglich vnde ewiglich dorbie zcu blibin vnde dorczu czu volgende in alle der mazze, alzo obge- schribin stehet vnde eygens recht ist Vnde vrnbe daz, daz den seibin armen sichin die seibin czinse egnante deste redelichir vorgestandin vnde ordelich gereicht werdin, habin wir von sundirlichcr gunst vnde gnadin den bescheidin luten dem rate czu Lipczk die iczunt sint adir czu gecziiten werdin vnsern libin getruwin die vormunde- schaft obir die egnante czinse bephalin vnde sie den armen sichin obir die inegnan- ten gulde vnde czinse czu ewigen Vorstehern ggebin, die die armen sichin mit der gulde getruwelich vorstehen vnde in die reichin sullin nach dem als sie derkennen, daz iz den armen sichen nod vnde bequemelich sie ane geuerde, vnde habin des zcu orkunde vnde merer sichirheit vnde czu ewigem gedechtnis vnser ingesigel wizsint- lich an dißen brief lazzin hengin. Hie bie sint gewest vnde sint geczuge der edel vnde die gestrengin Albrecht burcgraue von Lizzenig herre czu Penig, ejr Ditherich vnde er Friderich von Wiczleibin, er Thamme Phlug, er Otte Phlug, Conrad von Brysenicz, Otte von Birkech vnde ander lute gnug den wol ist zcu glouben. Gege- bin czu Rochlicz nach goczs geburd driczenhundert iar dornach in dem vier vnde achczigsten iare am dinstage vor seute Johans tage baptisten.

Nach dem Orig. im Rathsarchiv zu Leipzig mit dem beschädigten Reitersiegel an einem Pergamentstreifen.