No. 149. 1426. 6. Mai.

Meynen willigen vndertenigen dinst zcuuor. Ersamer weiser libir burgirmeistir. Ich thu euch wissen, daz dy rede hy zcu Ausk also geet vnd ist auch yn der worheit also, daz der Rohacz mit den sein Bensaw") gewonnen hot vnd do sclbist irmort bey drithalbhundert men schen vnd bey hundirtcn gefangen, vnd hot burgirmeistir, richtir vnd schepphen mit den fusen ofgehangen vnd kirider tod geslagen, waz obir XII jar gewest ist; vnd daz habin sy ausgebrant vnd sint vort geruckt vor dy Leipe vnd hern do seibist vmb dy stad vnd netten do mer helfir. Auch sint dy Preger vnd dy Thaborn mit ändern irn heifern also nu nehest an dem suntage zcu dem cleynen Bunczlaw of eynem tage gewest vnd wy sy sich do gescheiden haben, daz kunnen wir noch eigintlich nicht gewissen, sunder Preger geczewg also buchsen vnd bleiden dy steen zcu Präge allir geladen, vnde dy rede geet also, wen sy alle zcusamne körnen, daz sy nyrne andirswo willen haben, den vor Ausk. Auch libir burgirmeistir thu ich euch wissen, daz dy gesellen clagen, daz sy mit nichte sich mögen betragen hynne von der hofespeise, vnd haben mich vort angelanget vmbe geld, daz hab ich en gegeben an erem solde also vil, als ich mit mir herein brocht habe, vnd habe vort entleen zcu dem Reychen Puchl VI ß gr. Bete ich euch, daz ir bestell, daz dy selben VI li gr. of den nehesten dornsstag fru geschikt werden kein Delcz, do werden seyne knechte daz neinen vnd vort domete varen kein Halle. Auch hab ich gcreth mit dem heutmanne eyne vart czwu drey vmbe den sloftrang, der spricht, her möge sein nicht vor antworten vnd gebe en auch ändern steten nicht, vud so möge her vus auch nicht gegeben. Gegeben am montage noch Crucis. Wenczlaw itczunt zcu Ausk, ewer diner.

— 99

Zeddel:

Auch libir burgirmeister wer ich gerne selbir heraus geczogen vmbe dy czerunge, dy gesellen wolden Tesschenerb) yn keyner weize vndirtan sein, so vorchte ich, daz icht cweitracht vndir en entstünde vnd habe den brif vmbe des willen heraus bestelt.

Dem ersamen weisen meyster Cunrad Bern burgirmeistir zcu Leipczk.

b) Vgl. No. 14".