Dat. 3. Februar 1373.

Ich Nyclas der Leyder vnd Ich Katrey sein hausvrow, vnd ich Michel vnd Andre ir svne wier veriehen — vmb daz Jeuch Wein garten gelegen an dem Pnechperg ze naechst dem Eysengraben, daz vns der hochwirdig herre Brobst Cholmann, Nyclo der Techant vnd der Convent gemain vnser vrowen Gotshaus ze Newnburch am irr Brobstey ze Leipgedinge zu vnser egenanter vier lebtagen lazzen habent vmb zweliff Schilling wienner phenning geltes, halb ze dienen auf sand Jorgentag vnd halb auf die weynachten — daz wir in — mit vnsers Perchmaisters hant, des Erbern mann Vlreichs von Rust, ze den zeiten Amptman des Gotshaus vnser vrowen ze Peszerunge gesaczt haben vnsern weingarten, dez ein halbez Jeuch ist vnd leit oben in dem geswent zenaechst Dyetlein dem Haeberler, do man alle iar von dient dem Gotshaus vnser vrowen ain halben Emmer weins ze Perchrecht vnd ain phenning ze voytrecht — dazselb vnser halbs Jeuch — haben wir in gesaczt ze ebenteur vnd ze pesserunge — also beschaydenlich, ist daz wir denselben weingarten nicht in guten mittern paw inne haben vnd den erger machen, daz zwen erber man pey iren trewn an gever gesprechen mugen, dew sew Jaerleich dor zu schaffen schuln, daz si beschaun, vnd daz ein wore gewissen ist, daz wir in gecrgert haben, So schvl in vnser halbs Jeuch weingarten mit vnsern guten willen an allez recht zu sampt dem oftgenanten irem Jeuch weingarten Ledichleichen vervallen sein an allen chrieg vnd an alle ansprach mit vrchunde dez briefes, — versigilt mit vnsers Perchmaister insigil Vlreichs von Rust, vnd mit Jansen insigel der hofer, die zeit schaffer in der Chorherren

29 •

4S2

Spital — Der brief ist geben — Dreuczehen hundert Jap, dor nach in dem drew vnd Sybenczigistem Jar an sand Blasentag.

Chart. Archm III. fol. 133. a.

Hier erscheint ein neuer Schaffer des Stiftsspitals, Johann der Hofer. Der zuletzt in Nr. 375 genannte Jakob kömmt noch 1362 vor. Nach diesem erscheint 1366, Sonntag nach Michaelis (4. Octob.) „Ulrich von Zwetel".

Als Johann's des Hofers Nachfolger erscheinen urkundlich: Bruder Thomas, 1374, 31. August, und Niclo der Rütler 1379, 25. Mai.