Ich Stephan von Havnveld vergich vnd tun chunt daz ich

mit gunst vnd gutem willen meiner hausvrawen Elspeten mei nes rechten aigens ein gantzes lehen ze veld, vnd ze dorf, daz

154

gelegen ist datz Eberhartsdorf, vnd daz Dietreich von Wolficestorf von mir ze lehen hat gehabt mit desselben Dietriches guten willen, vnd nach meiner pet gegeben han Dem erbern Goteshovs vnser frowen ze Nevnburch also weschaidenleich, daz der vorgenant Dieterich, oder Swers nach Im besitzet, dem vorgenanten Goteshovs ze Nevn burch alle iar an sand Michels tach davon ze rechten Purchrecht zwelf

phenning wienner munzze dienen schol. Daz disev Gotesgab

also furbaz stet vnd vnzebrochen beleih, dar vber setz ich mich, ich Stephan von Havnveld fur mich vnd fur mein Hausvrowen, vnd vnser paider chinder dem vorgenanten Goteshovs ze Nevnburch ze rechten

scherm vnd gib auch disen brief versigelt mit meinem

ynsigel. Vnd sint ovch des gezeug Mein Bruder, Her Ott von Zel- king, vnd her Vlr eich sein svn, Alolt, mein bruder, Vlrich von Meichsaw, Hertneit von Liechtenstain, Her Weichart von Povm- garten, Her Vlrich von Prunne, Her Seifrid von Reintal, Her Wernhart der Schifer, Her Gerunch, hern Chollen svn, Fridrich der Huetstoch, Engeldiech der Maverbeche, Durinch von Maeur- ling, Dietreich der Schifer, vnd ander frum Laeute genuch, den diesev

Gotesgab wol chunt ist. Diser brief ist gegeben Dreutzehen-

hundert iar, vnd dar nach in dem Sibenzehenten iar, an dem heiligen Ebenbeich tag.

Orig. Perg. (flrp. Vet. Nr. i. fbl. 296) und Chartul. Archivi III. 82. b. Du dreieckige Siegel zeigt in einem dreieckigen Schilde eine Haue mit der Umschrift: -[- S. Stephuni de Hivnfeld.

Was früher bei den Brüdern des Propstes Hadmar vorkam, erscheint auch hier, zwei Brüder führen verschiedene Namen, von Haunfeld und Zelking.