Urkundenbuch des Stiftes Klosterneuburg bis zum Ende des vierzehnten Jahrhunderts, Nr. CXXXI. , S. 191
Dat. s. 1. 1310.
Ich Dietreich von der Heiligen Stat vnd ich Chlar sein haus-
vrowe — daz wir ze chauffen haben gegeben vnsers gutes zwelif
schilling geltes wienner phenning, die auf einem pawmgarten
ligent, bit ze Chalnperge in dem ort, vnd da ze steten drei schilling
phenning geltes, vnd an chaesen vnd an ayern vnd an hvenern fumf-
czehen phenning vnd anderthalben Emmer Perchrechtes vnd da ze
122
Piestnich drithalben phenning vnd zwanzich vnserm lieben prvder Johansen von der heiligen Stat vnd sainer chvn vrowen — Dar zu sint geczeuge her Johans der schench von Ried der erber ritter, her Ruger von Nuzdorf, Johans von Nuzdorf, Ruger von der heiligen Stat, Durinch, Jacob der forster, Engelprecht der alte Slüzzler, Gerbot der Richter, Leutwein der Statschreiber — Dicz ist geschehen vnd diser prief gegeben da von christes gepurd gezalt vnd ergangen warn dreuczehen hvndert iar vnd in dem zehenten iar.
E Chartulario Archin III. fol. 108. b.
Urkundenbuch des Stiftes Klosterneuburg, ed. Zeibig, 1857 (Google data) CXXXI. , in: Monasterium.net, URL </mom/StiftKlosterneuburg/5807f5f5-73fa-4234-9bae-c83f154e48fe/charter>, accessed at 2024-05-02+02:00
The Charter already exists in the choosen Collection
Please wait copying Charter, dialog will close at success