Ich Dietrich vnd ich Alber, die Prüder von Chirichlinge Wir veriehen daz Jorge der Snaizauf von Neunburch Chlosterhalben von vns vnd auch von Cholman von Lo hat ein Paumgarten, de da

241

leit ze Chrizendorf pei dem alten hof, vnd die Schit vnd daz Weidach, daz vmb derselben Paumgarten leit, vnd auch darzu gehort, vnd daz wir Vnd der Vorgenant Cholman von Lo zu disen zeiten mit einander Vngetailt haben. Den vorgenanten Paumgarten, Vnd die Schut vnd daz Weidach, daz darumb leit, hat der vorge sprocben Jorge der Snaizauf mit seiner erben guten Willen vnd gunst — vnd auch mit vnser hant vnd mit Cholmans hant von Lo allesampt halbes verchauft — als er iz an Purchrechtes gewer her- gepracht hat, dem erbaren Manne, Weiganden von Chrhendorf vnd seiner hausvrawen Vron Gerdrauten vnd ir n Erben vmb zwainczich march silbers, ie zwen vnd sibentzich grozzer pehmischer Phenninge fur die march — Nu haben wir sambt Cholman von Lo — allessampt halbes verlihen Jorgen dem Snaizauf vnd sein erben zu rechten purch- rechte, vnd daz ander halffen tail desselben gutes haben wir auch verlihen Weiganden von Chrizendorf vnd seiner hausvrawen, Vron Gerdrauten vnd iren Erben — Vnd wand mein pruder Alber selber nicht aigens insigel hat, davon so han ich dietreich fur mich vnd fur in geben Jorgen dem Snaizauf vnd seiner erben, vnd Weiganden von Chrizendorf vnd seiner haus Vrowen Vron Gerdrauten vnd iren erben disen prief zu einen Offen Vrchunde, vnd zu einen Waren gezeuge diser Sachen Versigelten mit meinem Insigel, Vnd mit meines Oehaims insigel, hern Weichartes von Winchel — Diser prief ist geben ze Wienne — dreuzehenhundert iar in dem ain vnd dreiz- gisten iar darnach am Perchtag.

Orig. Per-. (Prot. IF. n. 53) und Chartulariam Archin III. ful. 115. a. Das erste, runde Siegel, eine aus dem Stangel hervorwachsende Lilie enthaltend, unterscheidet sich von dem Siegel Oietrich's im J. 1287. Umschrift: + DIETRICI . DE . CHIRCHLINGE. Das zweite Siegel ist dreieckig nnd zeigt einen stebenden Löwen, wie bei Duell. Eze. geneal. Tab. XI. n. 131. Umschrift: +S. VICHARDI . DE . WINCHEL.

Diese Brüder von Kierling sind verschieden von den im Jahre 1323 (N. 202) erscheinenden, sie unterscheiden sich auch im Siegel.