Wir Albrecht von gotes gnaden herczog ze Osterreich, ze Steyr, ze Kernden vnd ze Krain, Grafze Tyrol — bechennen— Als vnser lieber getrewer Hans von Lichtcnstain von Nicolspurch vnser hof- maister von unsers gescheffts wegen verhort hat die erbern vnd geistleichen korherrn von Newnburch Klosterhalben an aim tail vnd die Klostcrfrawn prediger ordens von Tuln an dem andern tail von der stozze wegen, die zwischen in gewesen sind vmb ein perchrecht, des sechczehen emmer weins sind vm sechczehen wienner phennig dar auf, die man dint von zwein Jeuch weingarten an der Sumer- leiten gelegen enhalb des Toblings pach gen Newnburg werts. Also mainen vnd wellen wir, wie er diselben sache nach beider taile fürlegung verhort hat von vnsern wegen vor erbern luten Rittern vnd knechten vnd wie auch diselben korherren darumb ir Weisung vor im getan habent, Seind in vnd irm gotshaws das obgenant perch recht vor dreizzig iarn geraicht vnd gedient sey wurden, vnd die Klosterfrawen von Tuln ir selbs brief als lang verswigen habent, daz dann dasselb perchrecht den Korherrn vnd dem goczhaws zu Newn burg furbas auch pillich sulle geraicht vnd gedint werden, Daz ez da bey beleihe an alle irrung. Mit vrkunt ditz brifs Geben ze wienn an sand Peternellen tag — Tausent drew hundertJar darnach in dem Syhen vnd Sybenczigistem Jar.

D. dux per m. c. d. lichtenstain.

Orig. Perg. Das Siegel fehlt.