In nomine domini amen. Licet per sacrorum canonum et legum conditores contra oppressores, spoliatores ac personarum et rerum ecclesiasticarum invasores sufficienter sit provisum, nec non per statuta provincialia invasores huiusmodi certis poenis puniri iubeantur, tamen quia defectus expensarum et sumptuum executionum canonum, legum et statutorum huiusmodi retardare, immo impedire quam plurimum reperitur, quamobrem nos Johannes praepositus, Theodericus decanus totumque capi- tulum ecclesiae Misnensis videntes ecclesiam nostram variis oppressionibus spoliis iniuriis et violentiis per nobilium, advocatorum ceterorumque tyrannorum insultus diversimodos nimium praegravari, volentesque eiusdem ecclesiae nostrae incommodis, ipsius non modica utilitate pensata, quantum possibile est consulere, infra scripta certo super hoc capitulo indicto, de unanimi et concordi omnium nostrorum voluntate et consensu ad instar statuti duximus ordinandum. In primis si aliquem de cetero ex praelatis, canonicis, vicariis seu aliis ecclesiae nostrae personis invadi spoliari seu molestari vel offendi per quempiam contigerit, in persona vel in rebus ad ipsam eccle- siam nostram pertinentibus, is proponat coram capitulo nostro invasionem spolium iniuriam vel offensam et de eius consilio vel maioris et sanioris partis ipsius, vel si capitulum discordaret, ita quod essent aequales partes numero, ipsius utrobique in consilio huiusmodi faciendo, extunc de consilio partis quae maiorem numerum senio- rum in ordine canonicorum haberet, prosecutionem huiusmodi iniuriarum spoliorum invasionum violentiarum et oppressionum debet instaurare et prosequi, ac compositio- nem satisfactionem et emendam recipere secundum capituli seu partis maioris et sanioris numerum iuxta modum praemissum facientis consilium et decretum, et ab huiusmodi prosecutione desistere, quando ipsis videbitur desistendum. Quod si facere renuerit, ex tunc in poenam ipsius poterit cum invasoribus oppressoribus et spoliatoribus huius- modi capitulum eo excluso et in hoc casu penitus derelicto componere et amicabiliter concordare seu alias prosequi, prout sibi visum fuerit expedire, eo tamen salvo, quod capitulum huiusmodi iniuriatum in executione mandatorum suorum superiorum et iudicum non dimittat, consiliis vero et favoribus quantum bono modo poterit prose- quatur. De expensis vero per capitulum ad huiusmodi ministrandis taliter ordinamus, quod is, qui se iniuriatum spoliatum oppressum vel invasum asserit et proponit, expensis propriis huiusmodi suam iniuriam, spolium invasionem offensam seu violen- tiam iuxta consilium capituli ut praemittitur debet instaurare et prosequi tamdiu et

48

quousque termini aliqui placitorum in provincia, in terris dominorum marchionum, usque ad earum fines et limites, et a civitate Misnensi per distantiam viginti milia- rium vel paulo plus circumquaque coram quibuscunque magnatibus, nobilibus cete- risque dominis et personis ecclesiasticis vel mundanis occurrerent necessario obser- vandi; ex tunc si iniuriatus offensus vel spoliatus petierit aliquem vel aliquos de capitulo nostro ad terminum aliquem placitorum secum mitti, et ille vel illi, quem vel quos affectaverit ad petitionem suam ire recusaverit vel recusaverint, ille vel illi ad preces capituli vel maioris et senioris partis ipsius ut praemittitur ire tenebitur vel transire tenebuntur, nisi certe causam aliquam rationabilem, quae capitulo vel maiori et seniori parti ipsius videretur rationabilis allegaret vel allegarent, propter quam deberet vel deberent ab huiusmodi itineris labore merito excusari, et nisi inpe- dimentum haberet legitimum, quod sibi relevare non expediret et propter quod ire non posset, in quo assertioni suae per iuramentum quod fecit ecclesiae est credendum. Is autem, qui aliquem vel aliquos de capitulo nostro in praemissis casibus ad aliquem vel aliquos placitorum terminum vel terminos secum duxerit, debet medietatem expen- sarum, quas in huiusmodi via eundo et redeundo simul fecerint, solvere et capitulum de communi medietatem aliam ministrabit, ita quod unus in uno et eodem negotio ultra tres vices ad eundum non artetur. Dampna vero si quae quod absit eos, qui cum huiusmodi iniuriato offenso invaso seu spoliato ad placita, ut praemittitur, trans- ierint, recipere exitum contingerit, capitulum absque rerum et bonorum alienatione vel obligatione, sed usque ad paratae et in promptuariis vel in debitis pecuniae, quam ipso die receptionis dampnum habuerit, in communem duntaxat suppetentiam tenebitur resarcire. Ille vero qui talem vel tales secum duxerit, dampna propria, quae perceperit vel incurrerit, personaliter sustinebit. Volumus insuper, ut quicunque de praelatis et canonicis ecclesiae nostrae Misnensis supradictae aliqua de cetero ipsum vel alium dominum vel amicum suum tangentia, super quibus petit sibi aut illi pro quo proponit consilium et auxilium impertiri, coram capitulo nostro proponit, talis propositione facta exire debeat, alios interloqui permittendo. Litterae insuper deinceps capitulo dirigendae non aperiantur nec legantur nisi vocatis praesentibus in loco, quibus congruo tempore expectatis, sive venerint sive non, ex tunc aperiri et legi debent; in praemissis vero casibus, in quibus consilium consensus et auxilium capituli petuntur, si negotii qualitas patitur, capitulum desuper indicatur et in eo quid faciendum fuerit in praemissis iuxta modum praenotatum decernatur, alioquin si peri- culum est in mora, praesentes in loco per decanum vel seniorem vocati convenire tenebuntur et debent, qui in hoc casu capitulum repraesentabunt et quicquid ipsi vel maior et senior pars ex eis iuxta praemissum modum ordinaverint et decreverint faciendum, hoc ab omnibus tam praesentibus quam absentibus est adimplendum et inviolabiliter observandum. Actum Misnae in cappella omnium sanctorum anno domini M°. CCC°. LXIo. octava die mensis Novembris, in quorum evidens testimonium sigil- lum capituli nostri praesentibus est appensum.

Nach dem Orig. im Stiftsarchiv zu Meissen mit dem wohlerhaltenen Siegel an cinem Pergamentstreifen.

49