Ich meistir Friderich Dragosch burger zcum Hayne bekenne offintlich in disem brife vor mich vnd alle myne erbin vnd erbnemyn allen den, di disen brif sehin horen adir lesin, daz ich mit gutem wolbedochtem mute vnd gutem vorrate myner besundern frunde durch myner sunderlichen besserunge wille recht vnd redelich vor- kouft habe den erbern herren deme . * techande vnd deme ganczen capitele der kir- chen zcu Misne alle myne zcinse vnd gfitere gelegin in deme dorfe zcu den Obirn Redirn in deme Heeynischen gerichte, di ich bis her do selbins gehat habe an gelde, an getreide, an abelege, an hfinren, eygirn, an flachse, an andirn dingen, wi di namen haben, an erbgerichte vnd allin rechten nuczczen eren dinsten geniCin vnd zcugehorungen, wi di genant sin, als ich di gehat habe vnd her bracht habe, keyns vsgenomen, adir mir adir mynen erbin doran zcu behaldene, vnd habe dorvmbe durch des selbin konfes wille alle di lfite der selbin zcinse vnde gutere an di egnanten herren, an den techand vnd an daz capitil zcu Misne gewiset als an ire rechte erbherren, vnd habe mich vor mich vnd myne erbin und erbnemyn der selbin zcinslfite vnd gutere ewiglich vorczigen, vnd vorczie mich der in disem brife mit alle den rechten vnd zcugehorungen obengenand adir vngenand, als ich di gehat habe keyns vsgeslossin, adir zcu behaldene mir adir mynen erbin, vnd habe ouch dar- vmbe alle di selbin zcinslute vnd gfitere mit allen iren rechtin vnd zcugehorungen, als ich di gehat habe, deme erwirdigen in got vatir vnd herren deme bischofe zcu Misne vnd syme gotishuse recht vnd redelich ufgelaBin vnd ufgegebin, vnd laCe vnd gebe ym di uf in disem brife vnd mit kraft dises brifes vor mich vnd alle myne erbin, vnd wil vnd sal si abir uflaBin in personlichir keginwertickeit des egnantin herren des bischofs zcu Misne adir den synen, di von synen wegin des macht habin, wenne des not wirt adir ich des dirmanet werde, in allir maCe als obin stet

207

beschriben. Ouch habe ich den obgnanten herren deme . . techande vnd deme capi- tele globt vnd globe in disem brife vor eyne gute rechte gewere der egnanten gutere vnd zcinse, di ich en ouch vorburget vnd vorwisset habe, daz yn genugit, alzo daz si der egnanten zcinse vnd gutere von mir vnd mynen erbin sullin gewert werdin mit allen rechtin vnd zcugehorungen, als ich di gehat habe, als des landis recht vnd gewonheit ist, ane allis arg vnd geuerde. Were abir ab ich di egnanten herren nicht geweren mochte alz vorgeschriben stet, so sal ich adir myne erbin den egnanten herren alle ir geld, daz ich dor vmbe vor enphangen habe widir gebin, so sullen si denne ouch mir adir mynen erbin di selbin czinse vnd gutere widir vffaCin vor mynem herren deme bischofe mit allen den rechten, als ich en di vorgetan vnd ufgelaCin habe. Daz daz allis alzo stete vnd gancz gehaldin werde, habe ich myn insigil an disen brif gehangen, der gegebin ist zcu deme Hayn noch Cristi geburte driczenhundirt iar in deme dr^ vnd achtczigistem iare an deme nehesten fritage vor sente Donati tage des heiligen bischofes.

Nach dem Orig. im Stiftsarchiv zu Meissen mit dem Siegel des Ausstellers an einem Pergamentstreifen.