Wir Rudolph von gotis gnaden bischoff czu Meissen bekenncn vnd tuen kunt — das wir globt haben vnd globen niit craft dis brifes den erbern herren dem tumpro- biste, dem techande vnd dem ganczen capitel czu Meissen vnsern liben besundern, das wir vnsir houptleute czum Stolpen Mogelin vnd zu Wurczin vnd ire vndirfoite nicht wellen abesetczin, wir haben dennc die zukumftigen, die wir zu vnsern ampt- leutin ufnemen wellen, vor geantwert dem egnanten tumprobiste techandc vnd capi- tell, das sy in globen hulden vnd swerin vnd briefe gebin sullen in allermasse, alse dese iczunt getan haben, das globen wir in guten vnsern truwen zutuen, alse ofte das not geschiet vnd wir vnsir houptleute abesetzin adir vorandirweiden, ane arg vnd ane gcferde. Des zu vrkunde vnd rechtir sicherheit haben wir vnsir ingesigil wissentlich lassen hengen an desin brief, der gegebin ist zum Stolpen nach Cristi geburte firczenhundirt jar dornach in dem firczenden jare am tage deeoilationis sancti Johannis baptistae.

Nach dem Orig. im Stiftsarchiv zu Meissen mit dem Siegel au einem Pergamcntstreifen.