Thimo dei et apostolicae sedis gratia episcopus Misnensis honorabilibus et discretis viris, dominis abbatibus praepositis*) decanis archidiaconis cantoribus custo- dibus thesaurariis commendatoribus plebanis viceplebanis presbyteris curatis2) et non curatis ac quorumcunque divinorum cappellarum altariumque rectoribus clericis et tabellionibus universis, cuiuscunque dignitatis praeeminentiae status gradus ordinis aut conditionis fuerint, ad quos praesentes pervenerint vel qui praesentibus fuerint requisiti, salutem in domino. Quia dudum per certi tenoris literas et processus nostros monuimus et moneri fecimus canonice et peremtorie dominos Wenczeslaum Knobelouch praepositum, Johannem Potzte decanum, Ortwinum abbatem et archidia- conum Kemnicensem, Waltherum de Kokeritz archidiaconum Lusaciae, Caspar de Schoneberg praepositum Wurczinensem et Sachariam Sluter praepositum Haynensem praetensos in ecclesia nostra Misnensi pro eo et ex eo, quod a sancta synodo in dicta ecclesia nostra Misnensi3), clero ibidem ad eandem congregato novissime iuxta ecclesiae nostrae consuetudinem celebrata, cui de iure et consuetudine interesse debuerunt, se contumaciter absentaverunt et interesse contempserunt, quatenus super dicta sua absentia synodi se per rationes et causas licitas, si quas haberent aut sibi competere praetenderent, coram nobis excusarent et huiusmodi causas allegare et proponere curarent, et super huiusmodi sua rebellione et inobedientia a nobis poenam *) susciperent salutarem infra terminum monitionis5) competen- tem dictis iuris processibus contentum et limitatum, ex superhabundanti quamvis in genere universaliter, prout consuetum fuerat et solitum absentes synodi, qui de iure vel consuetudine interesse deberent et tenerentur, iidem moniti et requi- siti fuerint6), ut infra unius mensis spatium super transgressione se excusarent per causas rationabiles et licitas aut poenitentiam condignam reciperent salutarem ex ratione latae sententiae post dicti mensis pro canonica monitione praefiniti decursum sub poena, alioquin in praefatos specifice et nominatim monitos excommunicationis sententias promulgaremus, prout etiam promulgamus eisdem in scriptis praedictis. Tamen ecclesiae nostrae praelati praetensi post dicti mensis spatium a celebratione synodi praefatae continue computandum, in termino peremtorio ex superhabundanti de novo ipsis et eorum cuilibet praefixo et statuto iuxta liberae requisitionis et moni- tionis nostrae exigentiam, nec super dicta absentia sua a synodo praefata causas rationabiles et legitimas coram nobis allegare, qua eos excusare ab inobedientia7) et rebellione manifesta debuerunt aut potuerunt, nec per satisfactionem et salutaris poe- nitentiae susceptionem se emendare curaverunt, sed verius his non contenti et quod quidam eorum tempore dictae synodi in despectum nostrum frivole et quadam super-

l) praeposilis fehlt bei iiT. 2) curntoribus Gr. u. Kr. 3) pro ex> — Gr. u. Kr. 6) /uerint fehlt bei Ur. 7) obedu wiu Gr. u. Kr.

CO!>. D1I'L, SAX. II. -1.

.VtVnPtwi fehlt bei Gr. 4) pr;1»am Gr. u. Kr. 5) mocitionvm

4-2

stitiosa praesumptione quam alto velo ducti per medium cleri causa interessentiae synodi congregati discurrerunt in dedecus ecclesiae nostrae non modicum et scandalum aliorum. Imino nostram volentes iidem praelati praetensi canonicam effugere cor- rectionem et ab obedientia declinare de facto, cum de iure non possent, ad pallian- dum huiusmodi suae inobedientiae et rebellionis scrupulum subterfugiendumque nostrae correctionis poenam et censuram in vocem appellationis temere proruperunt, cui appellationi tanquam frivolae et ex causis frivolis emissae, cum nec ius nec ratio fri- volis deferat appellationibus, etiam non duximus deferendum. Cum igitur ex causis praemissis dicto termino monitionis transacto iidem huiusmodi sententias nostras excommunicationis praefatas incurrants), nos eos et quemlibet eorum declaravimus et praesentibus declaramus huiusmodi sententias excommunicationis ob poenam contu- maciae et inobedientiae incidisse. Quare vobis dominis supradictis et cuilibet vestrum in solidum in virtute sanctae obedientiae et sub excommunicationis poena, quam in vos et quemlibet vestrum, si non fecerit quod praecipimus, trium dierum canonica monitione praemissa, quorum unum pro primo, unum pro secundo et unum pro tertio et peremtorio termino ac monitione canonica vobis et cuilibet vestrum praefigimus et assignamus, a tempore notitiae et requisitionis praesentium vobis factae9) ferimus, dei nomine in his scriptis districte praecipiendo mandamus, quatenus praefatos dominos Wenczeslaum Knobelouch praepositum, Johannem Potzte decanum, Ortwinum abba- tem et archidiaconum Kempnicensem, Waltherum de Kokeritz archidiaconum Lusa- ciae, Casparem de Schoneberg praepositum Wurczinensem et Sachariam Sluter prae- positum Haynensem praetensos et quemlibet eorum nominatim et specifice omnibus diebus dominicis et festivis in ecclesiis vestris infra missarum sollempnia de ambone ecclesiarum vestrarum, quando maior aderit vel convenerit populi multitudo, excom- municatos accensis candelis demum extinctis et in terram proiectis, pulsatisque cam- panis publice nuncietis et a vestris nunciare faciatis, ab his non cessantes, donec iidem excommunicati ad cor reversi beneficium absolutionis a nobis meruerint obtinere, et vos aliud a nobis habueritis in mandatis; et de executione huiusmodi per appen- sionem sigillorum vestrorum et scripturarum debitarum nobis fidem faciatis. Datum Stolpen anno domini millesimo CCCC°. quinto indictione tertia decima, die XVI. mensis Decembris hora vesperorum vel quasi, pontificatus sanctissimi in Christo patris et domini nostri, domini Innocentii divina providentia papae VU. anno secundo, prae- sentibus ibidem nobili Alberto de Colditz, Mathia praeposito Lubucensi et Lamperto de Sehusen vicario Misnensi testibus ad praemissa.

Et ego Nicolaus Schonebier de Bisschofswerde clericus Misnensis diocesis publica imperiali auctoritate notarius10) etc.

Nach zwei Abschriften in Grundmann cod. dipl. episc. Misn. V. fol. 1255 im K. Haupt - Staatsarchiv zu Dresden und in Kreysig collect. dipl. III. fol. 103 (Mss. no. 467. Rep. V. 4. 34) in der Stadtbibliothek zu Leipzig.

8) incurrent Gr. 9) sancte Qr. u. Kr.' 10) Dar ganze Satz El ego u. s. w. fehlt bol Gr.

331