Johannes dei gratia sanctae Pragensis ecclesiae archiepiscopus apostolicae sedis legatus universis praelatis, praesidentibus et clericis ac laicis utriusque sexus ordi- nario nobis iure subiectis salutem in domino et pro reformatione status ecclesiastici praesentibus cum executione debita fidem dare. Cura officii pastoralis nos urget, ut novis supervenientibus morbis nova debeamus antidota praeparare. Sane licet dudum

221

in nostris provincialibus statutis sub titulo de ma. et obe., item cum aliquis, legitime sit statutum, ut cum aliquis nobilis iustitiarius sive laicus quicunque depraedatus fuerit alicuius ecclesiae bona, capellani castrorum, rectores et plebani locorum in qui- bus praeda servatur quam primum hoc sciverint, etiam non expectato super hoc alio superioris sui mandato, a celebratione abstineant divinorum sub poena excommuni- cationis, quam non tenentes statutum huiusmodi incidunt ipso facto. Quia tamen laici et invasores praedicti diversis quaesitis coloribus et fucatis mendaciis per eorum exquisita fraudulenter ingenia sub forma iustitiariae potestatis se excusare nituntur, dictumque statutum efficitur ludibrio et crimina contra utilitatem publicam remanent impunita, cum tamen ex privilegiis divorum imperatorum regum et principum propter personarum delictum bona ipsa obnoxia non existunt, nos igitur huic morbo et his fraudibus salubri cupientes obviare remedio, nostri capituli et aliorum sapientum com- municato nobis consilio hac synodali constitutione praedictum statutum quoad personas malefactrices ac dantes ad praedicta auxilium consilium et favorem poenaliter duxi- mus extendendum. Statuimus itaque, ut quicunque bona ecclesiastica, quorum nomine bona mobilia et immobilia etiam rusticorum ecclesiae censualium in quibuscunque rebus consistant intelligi volumus, etiam sub praetextu iustitiariae potestatis invaserit occupaverit abegerit receperit et receptaverit, simili poenae subiaceant ipso facto, ita etiam, ut in ipsum vel in ipsos depraedatores invasores et- occupatores excommuni- cationis sententiam in dei nomine ferimus in his scriptis, mandantes omnibus praesi- dentibus supradictis et eorum locatenentibus, ut ad requisitionem spoliati et iniuriam passi postquam de hoc coram eis per duos testes docuerit vel alias per evidentiam facti aliquos tales esse constiterit, ex tunc ipsos spoliatores invasores et occupatores in suis ecclesiis taliter excommunicatos publice nunctient et nunctiari procurent. Et nihilominus ad quascunque parrochias devenerint et in quibus morantur, similiter cessetur realiter a divinis tamdiu, donec a nobis aliud receperint in commissis. Nos enim absolutionem talium et discussionem depraedationum huiusmodi nobis dumtaxat specialiter reservamus. Datum Pragae anno domini M°. CCC° LXXXV° die XVIII. mensis Octobris.

Nach dem Orig. im K. Haupt-Staatsarchiv zu Dresden mit dem zerbrochenen Siegel des Erzbischofs an einem Pergamentstreifen.

Balbin. Miscell. hist. Dec. I. lib. VI. p. 117 f.