Wir Rudolff von gotis gnaden bischoff czu Missen selbschuldiger, Heynrich von Bresenicz houptman czum Stolpen, Heiurich von Ponkow, Nickel von Grislaw czu Helwigistorff gesessen, Jan vom Spale in der alden stad gesessen bnrgin wir bekennen — das wir — schuldig syn L schog Bemischir grosschen Prager muncze dem gestrengen ritter ern Heynrich von Kokericz czu Welin gesessen vnd Katherinen syner elichin wirthin vnd Margarethen syner tochter vnd czu getruwir hand dem gestrengen Rudiger von Polenczk. Dy selben L schogk grosschen globe wir alle mit gesamptir hand si czu beczalen vnvorczogelich vyer wochen nach dem nesten czu- kumftigen sente Michils tage; wo wir des nicht teten vnd von em Heynriche syner elichin wirthin adir syner tochtir adir ern getruhandern vormant werden, so globe wir burgin yn czu rythen yderman mit czwen pherden vnd myt eyme knechte myt vnsirs selbis liben yn dy stad czu Pirne yn eine erbir herberge, wo wir von den vorgnanten vnsern gloubern yngemand werden, vnd sullen dy ynleger halden als

recht vnd gewanheit ist . Das wir alle dese obengeschreben stucke etc. anno

domini M°CCCCXII I dominica Vocem iucunditatis.

Naeh dem Liber Rudolphi fol. 57 im Stiftsarchiv zu Meissen.