Wir Jorge, Folcz vnd Fricze gebrudere Thubinheim genand vnd frauwe Eli- zabeth vnser muter gesessin zcu Thubinheim bekennen —, das wir den erbern her- ren, dem thumprobiste, techande vnd dem ganczin cappittill der kirchen zcu Missin vnd ouch bisundern ern Nigklaus Buckow ewigin vicarien da selbins czu syner vicarien der heiligen patronen Vincencii, Erasmi vnd Pancracii, vnd ouch czu der vicarien sente Allexii hinder deme hohen altir da selbins in der kirchen zcu Missin gelegin, dy iczund hot vnd besitczet er Cristan genand Hohus, recht vnd redelichin vorkouft habin — in dem dorffe zcu Kouffpach genand in deme gebite zcu Dresden gelegin vier schog vnd eyn vnd funffczik groschin guter Fribergischir muncze, nuen- czehin huner, czweine scheffil korns vnd czweine scheffil hauern Dresdennischis mases, funff vnd virczik gr. zcu geschoCe vnd ouch einen gr. czu schriplone inge- slossin. Das alles czu der erstin summen geldis geslagin ist alse hirnach geschrebin steit rechtir vnd aldir erbczinse, die gelegin sin in der czal von aldir vnd langin geczietin vf nuendehalbir hufen landes da selbins zcu Kouffpach, dy — wir czulehen gehabt habin von vnserm gnedigin herren dem bischoffe czu Missin, den selbin czins ouch mit hunnern, getreide, geschosse vnd ouch schriplon dy czinslute vorezinsen sullen, also alz man alde erbezinse in dem lande czu Missin iczund pfleigit zcu czinsene adir hernach pflegen wirt czu czinsene —, vnd habin en dy selbin czinse vnd gutere vorkoufft mit allir czugehorunge — vnd besundirn mit erbgerichten vnd erblehin — vmbe sebin vnd achczik schok vnd vier vnd funfzik gr. gutir Fribergi- schir muncze also sy iczunt louftig syn, dy sie vns iczunt gancz vnd gar mit bereytin vnd beczaltin pfennigin gutlichin beczalt habin, vnd wir von en enpfangin vnd in vnsern nucz vnd fromen kuntlichin gewand habin, der wir sie ouch qwiid, ledig vnd loys sagin in desim vnserm brieffe, vnd den gnanten kouffherren habin wir die egnante czinse vnd gutere vor vnserm gnedigin herren deme bischoffe vfgelassin, alse gewonlich vnd in dem lande recht ist, vnd die selbin czinslute habin wir an sie gewiset mit der holdunge der gnanten czinse alze an ire rechte erbherren, ouch also en die eiginschaft geschen ist der egnanten gutere vnd czinse; so habin wir egnanten Jorge, myne brudere vnd vnser muter gelobit vnd gelobin in desim vnserm brieffe, das wir sie deses kouffes czinse, gesch6s vnd gutere gewerin sullen vnd wollen, alse in dem lande zcu Missin gewonheit vnd recht ist, mit vnserm gelde — vnd habin en vor dy selbige gewere zcu burgen gesaczt die gestrengin Friczolde von Palenczk zcu Dylaw vnd Hugil von Thubinheim zcu Palenczk gesessin —. Vnd dis sin dy lute, dy da vnd ire nachkomen die vorgnante czinse vnd geschos ierlichin gebin reichin czinsen vnd schossen sullen: Czum erstin Petir Riche zcu Kouffpach von anderthalbir hufen landes czwene vnd czwenczig groschin vnd sechs hellere vf Walpurgis vnd alse vil uff Michaelis mit drien hunern ouch uf Michaelis, vnd vf Walpurgis czu geschosse drittehalbin groschin vnd funftehalbin Michaelis zcu geschosse mit anderthalbin virteil korns vnd alse vil hafern. Da selbins Nigkil Riche von

421

anderthalbin hufen landes vf Walpurgis vier vnd czwenczig gr., und Michaelis ouch alze vil mit czwen hunnern vnd ouch vf Walpurgis zcu geschosse dry vnd czwenczig- halbin heller vnd uff Michaelis funff vnd virczik hellere mit andert halbin virteil korns vnd alse vil hafern. Hannus Schucze von einer halbin hufen Walpurgis VII gr. vnd VII gr. vff Michaelis mit czwen hunnern vnd Walpurgis czugeschosse achtehalbin heller, vnd uff Michaelis funffczehin heller mit eyme halbin virteil korns vnd alse vil hafern. Hans Raczicz von anderthalbin hufen landis achtczehin groschin Walpurgis vnd vff Michaelis achtczehin gr. eyn hun, vnd czugeschosse vff Walpurgis drittehalbin vnd czwenczik heller vnd uff Michaelis funff vnd virczik hellere mit anderthalbin virteil korns vnd alse vil hafern. Hempil Schonenberg von anderthalbin hufen landis czwelff groschin Walpurgis vnd czwelff gr. uff Michaelis, vnd czu geschosse uff Walpurgis drittehalbin vnd czwenczik heller vnd uf Michaelis funff vnd virczig heller mit andert- halbin vierteil korns vnd alse vil hafern. Nigkil Schreiger von eyner hufen landis achtczehin gr. vf Walpurgis vnd achtczehin gr. uff Michaelis mit vier hunnern, vnd zcu geschosse uff Walpurgis funfczehin heller vnd uff Michaelis drisig hellere mit eyme virteil korns vnd alse vil hafern. Pauwil uff dem berge von einer halbin hufen landis vff Walpurgis sechs gr. vnd sechs groschin uff Michaelis, vnd czu geschosse vff Walpurgis achtehalbin heller vnd uf Michaelis funfczehin heller mit eyme halbin virteil korns vnd alse vil hafern. Die gancze gemeyne des dorffes Kouffpach von einer halbin hufen landes IX groschin vff Walpurgis alleyne czu czinse pflegit czu- gebin, Nigkil Schonenberg von einer halbin hufen landes Walpurgis czu geschosse VHJ hellere vnd uff Michaelis funfczehen heller mit eyme hune, mit eynem halbin virteil korns vnd alse vil hafern. Hannus Snyder von einer hufen landis Walpurgis czu geschosse funffczehin heller vnd uff Michaelis drisig hellere mit vier hunnern. Nigkil Hartman von einer halbin hufen landes Walpurgis zcu geschosse achtehalbin hellere vnd uff Michaelis XV heller mit czwen hunnern, mit eyme halbin virteil korns vnd alse vil hafern, vnd ouch Pauwil uf dem berge von czwen hufen landes vff Walpurgis czu geschosse drittehalbin groschin vnd uff Michaelis funff gr., mit eyme halbin scheflil korns vnd alse vil hafern —. Vnd wir egnanten Friczolt von Palenczk vnd Hugil von Thubinheim bekennen —, das wir mit willen vnd mit gesamptirhand vnd alse rechte i»elbschuldigin vor die egnanten Jorgen von Thubin- heim, Folcz vnd Friczen syne brudere von Thubinheim genand, vnd ouch frauwen Elizabeth ire mutir vnd alle ire erbin, den obingeschrebin kouffherren gelobit habin vnd globin vor die egnante gewere desis kouffes czinses hunnere, geschos vnd getreidis vnd ouch gutere czuhaldene vnd czuleystene, alse recht ist, in aller wise, — und haben des ouch czu bekentnisse vnser beyder ingesegil wissintlich gehangin an desin brieff, der gegebin ist nach Cristi gebort tusint vierhundert iar, dornoch in dem funfczendin iare an sente Johannes tage des heiligin touffers Cristi. Da bie sin gewest vnd sint geczuge die gestrengin vnd erbern herren vnd lute, er Hugolt von Slinicz ritter, Ditherich Wylansdorff houptman czum Tarande, er Nicolaus Grymmer vnd er Nico- laus Raschewicz ewige vicarien des thumes zcu Missen.

Xach dem Orig. im Stiftsarchiv zu Meissen mit den Siegeln Jorge Thubenheims, Friczolds von Palenczk und Hugils von Thubenhcim an Pergamentstreifen.

422