Wir Rudolff von gotis gnaden bischoff czu Missin selbschuldigir vnd ich Heinrich von Brisenicz czu Mogelin gesessin, Nickil von Grislow czu Helwigisdorff gesessin, Hans Grislow czu Dyterichsbach, Heinrich von Ponk6w czu Elstrow, Jan vom Spall in der aldin stad gesessin burgin bekennen eyntrechteklichin, daz wir — gutir hundirt schog Bemischer groschen Pregcr czal schuldig syn dem gestrengin Folczsch von Torgow, Annan symc elichin wibe vnd yren erbin vnd czu getruwir hand Cristoffil von Torgow syme bruder, Apacz vnd Nickil Karys, dy her vns gut- lichin gelegin had. Dy selbin — hundirt schog glabe wir Rudolff bischoff czu Missen selbschuldigir, Heinrich von Brisenicz, Nickil von Grislow, Hans von Grislow, Hein- rich von Ponkow vnd Jan vom Spall burgen — uff desin nest czukunfftigen sente Michils tag adir in deni nestin manden dar nach czu beczaln in der stad Dresden adir Missen, wo wir von em vonnand wurdin mit gereytin phennygin —. Thete wir dez nicht —, so globe wir egnanten burgen vnd yczlichir besundern vnd vngesun- dirt, welch vnsir vndir vns eynir adir mer vormand wurden, dar nach obir virczin- tage, daz eynir sich mit dem andirn sich nicht schuczin sulle, sundir vnsir yczlich besundir sal mit czwen pherden vnd eyme knechte in rythin in der obgnantin stete eyn wo wir hyn vormand wurdin — in eyns erbir mannys gasthfis, in welchis wir von den egnanten vnsirn gloubern vormand wurdin vnd alda innelegin vnd leystin als inlegirs gewanheit ist vnd recht vnd dar fis nicht czu kommen, wir tetin daz denne mit der egnantin vnsir gloubir gfinst vnd wille adir hettin sy der egnantin hundirt schog Bemischir groschin gancz vnd gar mit allim gewunlichim schadin beczalt — is were botelon briffegelt adir nach reysin keynen mogelichin schadin vzgenomen. Ouch glabe wir vorgnanter Rudolff bischoff czu Missin selbschuldigir vnd vorgnanten burgen —, weris ouch sache, daz sich dy obgnante beczalunge der

391

hundirt schog off sulche tageczit verczoge, — so mag der egnante vnsir gloubir syne erbin vnd getruwinhendirn der egnantin hundirt schog gr. czu cristen adir czu juden dar nach nest ubir virczentage uff eyn gewonlichin schadin gewinnen —. Were ouch sach, daz vnsir burgin eynir adir mer von todis wegin abe gingen — adir wanhaff- tiklichin us dem lande czogin — alz glabe wir — eynen andirn burgen — czu seczczin innewenig eynen mandin —. Alle dese obgeschrebin stucke — glabe wir — stete vnd gancz czu haldin. Czu bekentenisse — habe wir — vnsir allir inge- sigil wissentlich lassin hengin an desin briff, der gegebin ist nach Cristi geburte virczenhundirt jar dar nach in dem czwelfftin jare am suntage nach Galli.

Nach dem Liber Rudolphi fol. 42b im Stiftsarchiv zu Meissen.