In nom. dom. amen. Nos Fridericus, Balthazar et Wilhelmus fratres uterini, dei gratia Thuringorum lantgravii, Miszenensesque terrae Orientalis et in Landes- perg marchiones, comites in Orlamunde dominique terrae Plissenensis omnibus Christi fidelibus in perpetuum. Et si in secularis culminis dignitate positi temporalibus inten- damus negotiis, non tamen taliter debemus insudare transitoriis, ut aeternam mer- cedem, quam Christianus quilibet expectat, in huius vitae stadio negligamus. Sane litteras et privilegia inclitae recordationis olim Friderici Thuringorum lantgrauii, Miszenensis, Orientalis et in Landesperg marchionis genitoris nostri carissimi per venerabiles viros dominos . . decanum et . . capitulum ecclesiae Miszenensis nobis exhibitas vidimus et recepimus, ac in eisdem litteris contenta approbavimus et quan- tum in nobis fuerat autorisavimus. In quibus quidem litteris praenotatus genitor

135

noster recognovit et recognoscit, se novam canonicalem praebendam in ecclesia Misze- nensi erexisse et instaurasse pro remedio animae suae ac progenitorum suorum de proventibus parvi theolonii dicti vulgariter cleynczol in opido nostro Hayn trans Al- beam, de quibus etiam proventibus certas consolationes canonicis et vicariis dictae ecclesiae in anniversariis avi nostri ac dicti genitoris nostri devote fieri disposuit et salubriter ordinavit, eiusdem quoque praebendae praesentationem et collationem sibi et heredibus suis ac successoribus suis in perpetuum plene et libere reservavit. Verum cum proventus praetacti parvi theolonii in Hayn trans Albeam adeo mobiles sint et vagi, quod vix et raro sine magnis difficultatibus colligi valeant ac percipi sine dampno, nos piis affectibus volentes ea quae memoratis ordinationibus genitoris nostri deesse videbantur, devote supplere et quantum in nobis fuerat in melius transformare, cum praefatis. . . decano et capitulo ac specialiter cum honorabili viro domino Fri- derico de Milticz canonico Miszenensi possessore praedictae praebendae concordavimus et unanimiter condiximus, quod praefati . . decanus et capitulum ac dominus Fride- ricus de Milticz praedictus antedictum theolonium in Hayn trans Albeam ac proventus ipsius nobis ac heredibus nostris ac successoribus libere dimiserunt et eidem theolonio et fructibus ipsius renunciaverunt voluntarie et expresse. Nos vero vice et nomine dicti theolonii et fructuum ipsius deputavimus et assignavimus . . decano et capitulo ac domino Friderico praedictis redditus viginti sexagenarum grossorum Missenensium annue, decem sexagenas annue in festo sanctorum Philippi et Jacobi apostolorum ac decem sexagenas in festo sancti Michahelis percipiendas de pensione ac contributione annua incolarum dicti opidi nostri in Hayn trans Albeam, quos quidem viginti sexa- genarum redditus in reconpensam fructuum dicti theolonii praefatis . . decano et capi- tulo et canonicis Miszenensis ecclesiae deputavimus — et appropriamus in locum praefati theolonii titulo verae proprietatis possidendos annis singulis de pensione ac censibus nostris annuis dicti nostri opidi in Hayn ac domus praetoriae eiusdem percipiendos libere ac tollendos, salvo nobis et heredibus ac successoribus nostris libero ac pleno iure praesentandi et conferendi dictam praebendam quotiens eam vacare contigerit in futurum, mandantes . . magistro consulum ac consulibus saepe dicti opidi nostri in Hayn, quatenus praenominatos redditus iuxta distinctionem praeexpressam de pen- sionibus nostris annualibus praefatis . . decano et capitulo ac praefatae praebendae pro tempore possessori sine dilatione et contradictione, prout praeexprimitur, annue solvant et expediant perpetuis temporibus affuturis. In quorum omnium evidentiam et notitiam clariorem praesentes litteras desuper conscribi fecimus et nostrorum maio- rum sigillorum munimine roborari. Testes huius rei sunt nobiles Heinricus in Star- kinberg burcgrauius, Fridericus de Schonburg dominus in Gluchouwe, Gebhardus dominus in Quernfort, ac strennui Cristanus de Wiczeleibin, Heinricus de Loucha, Nycolaus et Waltherus de Kokericz, Petrus de Schonberg, Theodericus de Hons- perge milites, ac dominus Johannes de Eckirsperge praepositus ecclesiae Cicensis et alii quam plures fide digni. Actum et datum in opido nostro Dresden anno domini millesimo trecentesimo septuagesimo secundo octavo Idus Novembris.

Nach dem Orig. im Stiftsarchiv zu Meissen mit den Reitersiegeln der Markgrafen Friedrich und Wi1helm an Pergamentstreifen.

136