In deme namyn der heilgin vngesundertin driualdikeit in eyn gedriit almechtig wisheit, dez vatir, dez sonis vnde dez heilgin geistis. Wen alle ding disir werlde vorgenglich syn, mensliche gedankin vorgeslich vnde intslichinde syn noch dem loufte der flisinden wassir, so ist iz n&t, daz man ewige vmirwernde sachin veste vnde sterke mit kuntschaft bedirbir lfite vnde mit schriftin briflicher gedechtenisse. Hir- vmme wir Bertolt vnd Heinrich von gotis gnadin dez heilgin R&mischin richis purc- grafin zcu Missin vnd grafin zciim Hartinstein bekennyn &ffinlich mit disme brife allyn dy in zehin ader h6rin lesin vor vns vnde vor alle vnsere nochkomelinge, daz vor fnz komin ist der gestrenge Niclaus von dem Honsperge vnser liber getruwer, hat vfgelaBin mit gfitin willin sibin schillinge groschin vnde zcwene groschin Fri- bergischir mfincze ierlichis cinsis, dy gelegin syn vf eynir hufin in velde vnd in dorffe zcu Clanczcewicz, dy besessin hat vnde besiczcit Heinrich von Rochzberg, vnde sine erbin cinsin sfillin vnde cinsin vnde alle ire nochkomelinge ierlichin virde- halbin schilling groschin vnde einyn groschin vf dy phingst heilge tage, virdehalbin schilling vnde einyn groschin vf sente Mertins tag der egenantin mfincze eweklichin, dy der vfgenante Nyclaus vnde syne brudere von vnz zcu rechtin lehin gehat habin, vnde hat vnz gebetin dorch got vnde sinis dinstis willin, daz wir gerfichin den vfgenantin cins sibin schillinge groschin vnde zcwene groschin zcu eigine vnde zcu bestetigin zcu den altire vnde vicarien in dem thfime zcu MiCin, dy gewiit ist in erin sente Marian Magdalenen, sente Cosmas vnde Domiani der heilgin merterere gestift ist vnde zcu lene gehit von den vome Honsperge, von Niclause, von sinen erbin vnde nochkomelingin. Dez habin wir obgenantin purcgrafin zcu Missin vnde grafin zcu dem Hartinstein anegeseen getruwyn dinst, den vnz der megenante Ni- claus von dem Honsperge oft getan hat, vorbaz her sine brfidere vnde sine erbin getruweliehin thun sullyn in kumftigin zcitin, vnde irhorit ire bete vnde habin den vfgenantin cins — myt gutin willin vnde bedachtin mfithe zcu lobe gote vnserme herrin almechtigin, sinir liben muter Marian der himiluorstin, zcu erin sente Marian Magdalen, sente Cosme vnde Domiano, houptfrowin vnde houptherrin dcr egenantin vicarien, zcu troste vnde zcu selikeit vnser eldirn, vnser vnde vnser nochkomelingen selin, dez vfgenantin Niclaus sinir bruderen yr erbin, yr eldirn vnde allir ir noch- k&melingen selyn vnde Bundirlichin sinis vatir selyn, ern Ditherichz von dem Hons- perge, dem got gnade, zcu eime selgerete vnde zcu eime ewigin gedechtenisse, alzo daz man alle iar sine iargezcit erlichin begehin sal in dem thfime zcue MiCin myt vigilien vnde messin vnde andern gutin werkin, vnde sal danne dy sibin schillinge groschin vnde zcwene groschin distrubern vnde gebin thumhern vnde vicarien, wy sich daz geborit noch anewisunge dez selebuchis vnde noch aldir gcwanheit, der kir- chin zcu Missen geeigint vnde eigin, gegelrin habin vnde gebin von vnzir macht

239

vnde gewalt zcu eime rechtin eigin zcu wernde vnd zcu blibinde by der vfgenantin vicarien vnde altire, alze vore geschribin steit nu vnde eweklichin. Auch habin wir vzgenomyn vnd gezcogin waz rechtis vnde gewanheite gelegin sin adir ist vf der mergenantin hufin zcu Clanczewicz obir dy sybin schillinge vnde zcwene groschin, wy dy heisin adir heisit, dy adir daz hat yme der mergenante Niclaus, sine brudere vnde ire erbin von vnz vnde von vnsirn erbin alze vore zcu rechtin lehin vnde gute behaldin. Daz alle dy obgeschribin rede vnde eiginschaft stete vnde gancz gehaldyn werde vnde blibin, dez habin wir czu orkunde vnsere ingesigile an den keinwertigin brif laCin hengin mit vnserme gutin willin vnde wissin, der gegebin ist zcu Missin noch Cristi geburd M°. CCC°. in dem LXXXIX° iare an dem nestin fritage vor Oculi. Dez sin gezcfig dy gestrengin vnsere libin getruwyn Hannus von Malticz, Vlrich von Palenczk, Reinhart vnde Herman von Reinsperg, Friderich von Stuchow°, Friczolt von Palenczk, Bertoldus von Wissinze vnser schriber vnde vil ander bedirbir lfite.

Nach dem Orig. im Stiftsarchiv zu Meissen mit den Siegeln der Burggrafen an Pergamentstreifen.