Wir Heinrich von Crymmen vnd Hannus von der Mylin bekennen offinlichen fur vns vnde alle vnser erben vnde tun kunt allen den, die dissen brif sehen, h6ren oder lezsen, daz wir mit wolbedachten mute vnde guten vorrate vnser freunde vf allen vnser guten vnde Ifiten in deme dorfe vnde velde zcu deme Scheschin") gelegen, daz des capitels vnde gotshus zcu Mysne rechte eyginschaft ist, drie schok guter Fribergischin grossen rechtis erbliches zcinses vnde ierliches mit alle den rechten gerichten eren nficzen dinsten gewonheiten obleigen an hfinren, eygeren oder woran die gelegen were oder wie die namen gehaben mochte, alz wir die her bracht, gehabt vnde besezsen haben, recht vnde redelichen vorkouft haben den erbern hern hern Heinrich tumprabste, hern Niclause techande vnde dem ganczen capitel der kirchin zcu Mysne vmbe drizsig schok guter Fribergischer groschen, der si vns gereit vnde nficzlich bezcalet haben, vnde wir daz selbe gelt kuntlich in vnsere nuczliche nort- durft, sunderlichen in morgengabe myns egnanten Hannus von Mylin swester geyn

a) Skassgen, Epn. Grossenhain, vgl. No. 664; (nicht Zschieschen bei Qrouenhain, Eph. Lenz, das 1349 Lehen der Markgrafen war,)

COD. DirL. sAX. II. 2. 20

154

Heinriche von Maxin gewant haben, vnde ouch die egnanten lute zcu dem Scheschin vf gelazen vnde mit hant munde huldin gehorsam vnde vndertenekeit an die egnanten hern, den tumprabst, techande vnde capitel, alz an.ire rechte hern gewiset haben mit dem egnanten zcinse alz oben gescriben stet, alle iar vf sente Michels tag zcu gewarten gewiset haben vnde zcu Mysne ane alreleige argelist vnde ane dez capitels schaden gutlich zcu bezcalune ane vorcog vnde hindirnizze, vnde sie sullen iren richter alle zciit, wenne wir gerichte siczen wollen, daz wir demselben richter vor- kundigen sullen, mit vns siczen lazsen, vnd alle gevelle vnde eren, wie die komen, glich mit in teilen vnde haben ane alles geuerde. Dorobir haben vns die egnanten herren vnde daz capitel zcu Mysne durch vnser sunderlicher bete vnde dinste willen sulche frunczaft getan, daz wir oder vnser erben den egnanten zcins mit siner zcu- gehorunge, alz obeu gescriben stet, wider kouffen sullen vnde mugen von sende Michels tag schirst komende vber drie iar nest nachinander volgende vmbe drizsig schok der egnanten groschen, vnd sullen die mitenander vnde zcu male uf den leczsten sende Walpurgin tag oder virczen tage darnach ane geuerde in dem drittin iare, die egnanten heren vnde daz capittil zcu Mysne bezcalen. Tete wir des nicht, so sal in der leczste zcins vf sende Michels tag egenanten mit der bezcalunge gancz vnde zcu male geuallen. Kouften wir ouch den obgnanten zcins nicht von sende Michels tag ubir drie iar, alz oben gescriben stet, so sal er furbaz ir rechte erbe vnde gut bliben eweclichen, vnde wir solden denne besundere lute vnde gut, daran sie iren zcins vollencglich gehaben mochten, in dorfe vnde in velde ane argelist an sie wisen, vnd solden vns aber lfite vnde gutes, alz wir izcunt getan haben lutirlich vorzcihen vnde nymmermer keinerleige recht noch forderunge daran gewinnen noch behalden. Vnde dar uber, daz wir den egnanten herren vnde dem capittel eine gute gewere tun sullen vnde wollen nach des landis rechte vnde gewonheit, vnde ouch das in ir zcins alle gelt zciid redelichen bezcalt werde vnde geualle, vnde alle oben gerurte artikel wol gehalden werden, haben wir in zcu burgen gesaczt die erbern knechte Niclause vnde Hannuse gebrudere von Tubinheim gesessen zcu Praswicz bie Schiloweb), die mit gesampter hant in guten truwen alzo guten burgen mit vns vnde fur vns alle obgescriben sachen, rede gelobt haben zcu haldene vnuorzcogenlichen, vnde wir haben des zcu vrkunde vnser insigele an dissen brif gehangen. Vnde wir Niclaus vnde Hannus gebrudere von Tubinheim bekennen offinlichen, daz wir alle die vorgescriben redde vnde artikel mit wolbedachten mute willigclich ane alreleige argelist mit den egnanten Heinrich von Crymmen vnde Hannus von der Mylen gelobt haben vnde geloben in guten truwen stete gancz vnde vnuorbrochlichen zcu haldene, zcu volzciende vnde volfurende, vnde haben des zcu gezcugnizse vnde merer sichirheit vnsir insigele zcu den egnanten Heinrichs vnde Hannus insigiln an disen brif gehangen, der gegeben ist zcu MyCne nach Crists geburt drizcenhundirt iar, darnach in dem fir vnde sybinczigsten iare, an deme dinstage vor sende Johannis baptisten tag des heilgen touffers.

Nach dem Orig. im Stiftsarchiv zu Meissen; an vier Pergamentstreifen hangen die Siegel Heinrichs von Crymmeu, Hannus von der Mylin und der Briider Niclaus und Hannus von Tubinheim.

b)ProschwitE, Par. ZsChell*.

155