Nos Ramfoldus de Polenczk senior, Franciscus de Konigisbrucke, Johannes de Hersteyn, Andreas Grawe, Henricus Grunenrode, Otto de Donyn, Nycolaus de Gobin totumque capitulum ecclesiae Misnensis tenore praesentium publice recognosci- mus—, quod matura deliberatione praehabita de unanimi omnium nostrum et capituli nostri consensu et voluntate honorabili viro domino Johanni, ecclesiae nostrae Mis- nensis decano indulsimus —, ut molendinum superiorem in Schrempsnicz vulgariter dictum czu den drenkutten, de quo cedunt annuatim in censum duo maldaria fru- menti Osschaczensis mensurae, emere et sibi comparare posset et possit. Quod qui- dem molendinum et annonam strennui Gruncelinus et Vlmannus fratres dicti dye Wegefurten a capitulo nostro et obedientiario in Schrempsnicz nomine capituli Mis- nensis in feudum tenuerunt —, a quibus dominus Johannes decanus — molendinum eo iure, quo ipsum dicti fratres tenue1;unt cum propria sua pecunia emit — et resignatione libera molendini et annonae a praenominatis fratribus dictis dye Wege- furten ad manus nostras et capitulo nostro facta — ad devotas preces domini Jo- hannis decani — molendinum supranominatum cum suis pertinentiis et annona gratiose duximus conferendum — conferimusque eidem per praesentes sine omni inpedimento et contradictione capituli nostri singulariumque personarum et praesertim obedientiarii

280

obedientiae Schrempsnicz — possidendum et annonam annuatim tollendam — usuique suo applicandam, prout sibi placuerit, dum vivit, dantes concedentesque — domino Johanni decano plenam facultatem et potestatem liberam — de eisdem pro salute animae suae ad pias causas in ecclesia nostra Misnensi dumtaxat disponendi et ordi- nandi, prout deus sibi inspiraverit, sine omni impedimento et contradictione capituli nostri et obedientiarii, qui pro tempore fuerit, ordinationem dispositionemque huius- modi gratam et ratam habere volentes et praesentibus ratificantes perpetuis temporibus duraturam, salva tamen collatione dicti molendini, quae ad obedientiarium — spectare et pertinere debet, qui dictum molendinum conferre debet, quotiens ipsum vendi vel emi contigerit, dumtaxat ita tamen, quod ipse obedientiarius dictum molendinum cum consensu et voluntate ipsius domini Johannis decani, dum vivit, et post eius obitum cum consensu et voluntate illius vel illorum, cui vel quibus pro divino cultu in ecclesia nostra Misnensi ipsum molendinum et annonam de eodem tollendam et perci- piendam ipse dominus Johannes assignaverit, illi vel illis dictum molendinum, pro quo vel pro quibus petierint, et non alteri seu aliis etiam gratis conferat et conferre debet, omni dolo et fraude procul motis, ipseque obedientiarius dictae obedientiae Schrempsnicz, — si molendinarius seu possessor molendini in solutione annonae negligens fuerit, ipsum molendinarium, si per iudicem ecclesiasticum ad solutionem compelli non poterit, tamquam iudex temporalis dictae obedientiae auctoritate sua iudiciaria cum effectu compellere et iuvare debet pro posse, ut annona praedicta praefato domino Johanni, dum vivit, aut illi vel illis, cui vel quibus eandem annonam post suum obitum in — ecclesia Misnensi tollendam et percipiendam assignaverit — persolvatur, et hoc faciat et facere debet, quotienscunque requisitus fuerit et opor- tunum. In cuius rei evidens testimonium atque robur sigillum nostri capituli praesen- tibus est appensum. Datum Misnae sub anno domini millesimo trecentesimo nona- gesimo octavo sabato ante festum annunciationis beatae Mariae virginis gloriosae.

Nach dem Orig. iin Stiftsarchiv zu Meissen mit dem kleineren Capitelssiegel an einem IVrgamentstreifen.