In nom. s. et ind. trin. feliciter amen. Conradus dei et apostolicae sedis gratia episcopus Misnensis ad perpetuam rei memoriam etc. Ad pontificalis apicem kathedrae etc. Sane venerabilis in Christo pater dominus Franko episcopus Leros- sensis, vicarius noster in pontificalibus nobis sincere dilectus, in nostra constitutus praesentia sua nobis insinuatione monstrare curavit, qualiter dudum a felicis recor- dationis domino Johanne olim episcopo Misnensi praedecessore nostro Wartham superio- rem communiter Wartham episcopalem nuncupatam, ad vitae suae dumtaxat tempora tenendam et habendam, post mortem ipsius domini Frankonis ad eundem dominum Johannem episcopum, aut si dictus dominus Johannes ipso domino Frankone superstite decederet, ad capitulum ecclesiae Misnensis libere devolvendam, pro certa pecuniae quan- titate iustae emptionis — titulo de unanimi capituli praedicti comparasset beneplacito et consensu cum omnibus et singulis suis pertinentiis, quae tunc in censibus seu reddi- tibus annuis paucae et modicae, videlicet quindecim grossi, quos duo hortulani, sci- licet Tylemannus cum Petro filio suo annuatim de suis hortis persolverunt, in agris autem tres campi seminabiles, quorum primus de quinque, secundus de sex, tertius vero campus de sex cum dimidio maldris annonae sive frumenti alternatim seminandis in eisdem existebant. De quibus quidem agris per ipsum una vinea in spatio terrae arabilis, in quo novem modii frumenti seminari poterant, posita est et de novo plan- tata. Postea vero quia crebrius ex confrontatione et coniacentia agrorum allodii Jo- hannis Franken etiam in Wartha praedicta residentis, ac ex permixtione eorundem cum agris ad dictam Wartham et ad ipsum dominum Frankonem pertinentibus, qui nimis partialiter sibi invicem vicini erant et confines, oriretur praeiudicialis et iurgio- sae materia dissensionis, memoratus dominus Franko cupiens nocivae litis zyzaniam succidendo evellere taliterque ob salutem animae suae ac suorum remissionem pecca- minum temporalium incremento bonorum intendere, quod spiritualium accrescentia fructuum cum profectu salutari et spe quietis perpetuae non fraudaretur, praefatum allodium a praelibato Johanne Franken cum nostri scitu capituli, praenarrato praede- cessore nostro sicut domino placuit vita functo, pro certa pecuniae quantitate compa- ravit ad disponendum et faciendum exinde in ecclesia nostra Misnensi testamentum et anniversarium ac tam in vita quam in morte memoriale perhenne, sicque curiam praedictam, scilicet Wartham superiorem in suis pertinentiis, tam in redditibus annuis, quam etiam in agris exacta sollicitudinis diligentia adaugendo studuit emendare. Nam de melioribus et vicinioribus agris scilicet allodii Johannis Franken et Warthae superioris praedictorum tres campos terrae arabilis, in quorum quolibet successive et alternis annis septem maldra frumenti seminari valeant, Warthae superiori supra- dictae applicavit, censum etiam annuum augmentavit. Primo enim, ut praescriptum est, quindecim grossi dumtaxat, quorum Tylemannus sex grossos et tres pullos, Petrus filius eius hortulani novem grossos et duos pullos de suis quos coluerant hortis et agris annuatim solverunt et solvunt, ad eandem Wartham pertinuerunt. Nunc

133

vero ultra praemissa censum praescriptum annuatim in quinquaginta quatuor grossis et decem pullis per subscriptos censuales et eorum heredes aut successores de agris et hortis, ipsis per eundem dominum Frankonem hereditarie collatis, singulis annis in festo beati Martini, in quo similiter praescriptus census solvi consuevit, persol- vendum adauxit et increscere fecit ac eidem curiae Warthae superiori, alias episco- pali vulgariter nominatae applicavit et adiunxit. Cuius quidem census Petrus, Tyle- manni praedicti filius iterum septem grossos et unum pullum, Petrus Kruze quin- decim grossos, duos pullos, Hanke octo grossos, duos pullos, Johannes Han duo- decim grossos, duos pullos, Petrus Dyener duodecim grossos et tres pullos solvere perpetuis temporibus tenebuntur. Sed et de distantioribus ac vilioribus agris tam Warthae supradictae quam allodii Johannes Franken tres mansos terrae arabilis, quemlibet de tribus campis, in quorum quolibet unum maldrum frumenti suo tempore alternatim seminandi spargi et seminari valeat, sub censu annuo vendidit colonis et agricolis infra scriptis, per eos eorum heredes et in bonis ipsis successores annis singulis in festo Martini antedicto persolvendo ac de virgultis seu rubetis eisdem agris annexis et adiunctis. Quorum quidem mansorum et pertinentiarum ipsius Jo- hannes Bysicz unum mansum cum virgultis seu rubetis ad duos campos pertinentibus, de quibus triginta grossos Missnenses triginta ova duos pullos, item Heinricus Vynkensteyn unum mansum cum virgultis seu rubetis ad unum dumtaxat campum pertinentibus, de quibus triginta grossos Missnenses triginta ova et duos pullos, item Heinricus Bergaw similiter unum mansum cum virgultis sive rubetis ad duos campos pertinentibus colunt et possident, de quibus etiam triginta grossos Misnenses triginta ova ac duos pullos solvunt annuatim et solvere tenentur in termino memorato. Quem siquidem censum pro testamento et anniversario suo in vita et in morte disponendis ipse dominus Franko, quoadusque supervixerit, per semetipsum inter dominos nostros canonicos et vicarios ecclesiae nostrae Misnensis perpetuos et temporales dividendum ministrabit, ita tamen, quod eo vivente una missa pro sua et omnium parentum suo- rum vivorum salute in dicta nostra ecclesia Misnensi omni anno in crastino diei beatae Elyzabeth debeat decantari, in qua inter dominos canonicos emancipatos inte- gratos et vocem in capitulo habentes, decima hospitalis et pretio campanatoris inclusis, una sexagena grossorum, neenon inter perpetuos ac temporales eiusdem ecclesiae vicarios in missa huiusmodi praesentes dimidia sexagena grossorum praedictorum, prout hactenus fieri solitum est, distribui debeant et partiri. Postquam autem memo- ratus dominus Franko de praesentis vitae medio domino volente fuerit evocatus, extunc is, cui dicta Wartha per . . decanum et capitulum ecclesiae nostrae Misnensis collata fuerit in obedientiam vel assignata, seu collector reddituum capitularium in die anniversario obitus ipsius domini Frankonis memoratam pecuniae quantitatem inter dominos canonicos et vicarios ecclesiae praelibatae in vigiliis et missa defuncto- rum perpetuis temporibus in dicta ecclesia peragendis praesentes iuxta modum supe- rius expressum dividendam teneatur annis singulis in omnem eventum de bonis prae- dictis ministrare, pullis et ovis in ministratoris pro tempore usum venientibus et reservatis. Verum quia praefatum allodium cum suis pertiuentiis, quod memoratus dominus Franko a praedicto Johanne Franken ecclesiae nostrae vasallo — compara

134

verat, a nobis et ecclesia nostra dependebat et tenebatur in feudum, nobis — suppli- care curavit, quatenus — ipsum feudum cum pleno dominio et usufructu bonorum praedictorum in venerabiles viros dominos . . praepositum, .. decanum et .. capitu- lum ecclesiae nostrae et in ipsam nostram Misnensem transferre et transfundere ecclesiam, eisque et ipsi cum omnibus et singulis suis appenditiis appropriare — dignaremur. Nos itaque Conradus episcopus Misnensls — suis votivis in hac parte

supplicationibus favorabiliter inclinati venditionem, emptionem et dispositionem

— de ipsius capituli nostri voluntate unanimi et consensu ratificamus et approbamus, ipsum quoque allodium Johannis Franken ac feudum eius cum pleno dominio et usu- fructu, neenon omnibus et singulis suis appenditiis et utilitatibus, sicut hactenus a nobis et ecclesia nostra dependebat et tenebatur, in praescriptos dominos . . praeposi- tum, . . decanum et capitulum et nostram ecclesiam Misnensem saepedietam trans- ferimus et transfundimus, eidem quoque ecclesiae nostrae praemissa ad usum supra- scriptum in proprium damus — nihil penitus iuris nobis in praemisso allodio et eius feudo, cui expresse et in totum praesentibus renunciamus pro nobis aut successoribus nostris . . episcopis Missnensibus reservatis etc. Ne igitur ex vetustate temporis oblivio, quae mater erroris et inimica veritatis existit, aliquem in praemissis vendicet sibi locum, praesentes litteras scribi et nostri autentici sigilli fecimus appensione muniri. Datum et actum Misnae anno a nativitate domini millesimo tricentesimo septuagesimo secundo in die beati Lucae evangelistae.

Et nos Heinricus praepositus, Nicolaus decanus totumque capitulum — omni- bus et singulis praeexpressis, nostrum unanimem et benivolum nos adhibuisse et adhi- bere consensum praesentibus publice profitemur, appendentes etiam praesentibus maius nostri sigillum capituli in testimonium evidens super eo.

Nach dem Orig. im Stiftsarchiv zu Meissen mit den Siegeln des Bischofs und des Capitels an Pergament-

streifen.