Wir Heynich vnd Herman gebrudere geheysin dy Kerresse, gesessen czu Nyckur1) bekennen offinlich in dissem brife, das nach vil tedingen vnd czweytracht, d^ wir mit den erbern luten vnd herren, Johannes deme probist, Ditteriche dem techand vnd deme capittil gemeyne czu Misne haben gehabt vme czenden, der do l}'t vf vnsirm vorwerk czu Nyckur, wen s^ sprachen, vns geburte alle iar czehen schok, halb korn halb haffirn kleynes gebindes czu gebene von vnsirm vorgenanten vorwerk czu Nickur, wir sprachen vns geburte acht schok kleynes gebindes czu gebene, gegangen sin uf vnsirn herren den e[r]wertigen in gote vatir vnd herren Johannes bischoffe czu Misne, der vns des gfitlich vnd vrfintlich entscheyden vnd bericht hat, also das wir vorgenanten brudere Heynich vnd Herman, vnd wen wir nymme en syn vnsir erbin vnd nachkfimelinge van deme selbin dickegenanten vorwerk czfi Nyckur, also als is nu is, wollen vnd sfillen vnd in guten truwen an dissem kegen- wertigen brife geloben czu gebene vnde geben alle iar vnuorcz6gelich uf sente Mer- tins tak funf scheffil korns vnd nfien scheffil haffirn Dresdens mas den herren vnde deme capitil czu Misne, vnd sullen das getreide antworten in d^ stad czu Dresden in eyn hfis, welch vfis genant wirt von Aer tumhern odir vicarien, odir irre diener eyner, deme der chorschfiler czende bevolen wirt. Das d^ vorgeschribene berichtunge ewiklich stete vnd gancz gehalden werde, so gebe wir dor ubir dissen brif mit vnsir beidir insigil beuestit vnd bestetit, der gegeben ist nach Cristi gebfirt dryczenhundirt iar in deme sechczigistem iare an sente Margriten abinde der heiligen iuncvrowen.

Nach dem Orig. im Stiftsarchiv zu Meissen mit den Siegeln der Bruder Karas an Pergamentstreifen.

11 Nickern, Par. Lockwitz.