Wir burgermeister ete, ratmanne vnde gesworn vnde dy burger gemeyniclichen arm vnde rych der stad Mogelyn bekennen offentlichen mit desim briffe — daz wir von geheise des ernwirdigen in gote vatirs vnde herren hern Rudolphs bischoffs zcu Missen vnsirs lyben gnedigen herren vnde der erwirdigen herren ern Wenczlaw thumprobist Johannes techand vnde des capitils gemeiniclichen do selbist vnsirn liben herren gelobt haben vnde globen mit desem briffe dem erbern meistir Franczen Slegil zcu Dresden gesessen vnde synen erben vnde von eren wegen zcu getruwerhand den, dy der egnante meistir Francze wirt kysen zcu selewarten, alle jar vyr vnde fumf- czig gutir vngerischer guldyn zcu bezalen vnde zcu reichen von vnsir stad rente, dy wyle desir kouff wert der wir ym XXVII guldyn uf sente Walpurgen tag vnde dy andern XXVII uf sente Michilstag gutIichen vnde ane vorczog beczalen sullen —. Were daz wir sumig worden an der beczalunge, daz wir dy nicht theten alzo vor- geschrebin stehit, uf welche tageczyt daz gesche, so mag vnde sal der egnante mei- ster Francz syne erben adir getruwehendir binnen einen manden nach der tagecziet dy czinse vf schaden gewynnen, wo Sy des bekomen konnen; den schaden sullen vnde wollen wir en mit den czinsen gutlichen vnde ane intrag alzo obingeschrebin stet reichen an allis geuerde. Czu orkunde vnd mer sichirheit allir vorgeschrebin rede etc.

Nach dem Liber Rudolphi fol. 19*> f. im Stiftsarchiv zu Meissen.