Ich Heynich genant von der Gane der junge bekenne 6ffinlichen an desym keginwertegin brife vnd tu kunt allen den di yn sehin adir h6ren lesyn, das ich recht vnd redelich vorkouft habe den eyrbern herren, dem tfimprobiste, dem techant vnd den tumherren zcu Misin sechs schillinge breytir groschin ewigis czynsis mit allem rechte vnd nfitzen, als sy myn vatir hat gehabt, di do legyn in dem dorfe czu Suymicz in dem gerichte zcu Misin, vnd habe yn di gegebin vmme virczende- halb schok groschin breytis geldis, der sy mich bereyt beczalt habin, vnd secze yn czu burgen Heynich, Nickil vnd Ticzeman brfidir genant von Kobirshayn vor eyne rechte lantwehere des zelbin gutis von dem tage an zcu hebin, als sy komyn yn di lehin vnd gewere, als eyn recht ist yn dem lande, vnd das myn vatir her Henrich von der Gane rittir zal das zelbe gut bi iar vnd bi tage an wedir rede uf lasyn vor dem hochgeborn fursten mime herren dem marcgrauen, der des zelbin gutis lehin herre ist, vnd zal sich des zelbin gutis vorczygin, vnd den kouf stete vnd gancz halden myt andern synen erbin. Wer is ouch, das myn herre der marcgraue der lehin herre das zelbe gut nicht wolde lihin, wem is die vorgenanten tumherren wol- den lazen lihin, zo zal der vor genante myn vatir vnd ich, adir vnse erbin dor noch bi eyme monden den vorgenanten herren, an ufczuk das zelbe geld myt bereytschaft wedir beczalin zcu Misen an der stat, do sie mych beczalt habin. Ouch gelobe wir vorgenante burgen, Heynich, Nickil vnd Ticzeman brudir mit gesamttir hant vor alle die vor geschrebin rede vnd gelubde, das di stete vnd gancz zullen gehalden werden in guten truen, an ark. Das allis das gancz vnd vnforrukt blibe, zo gebe ich vor genante Heynich selbschuldigir vnd wir ee genante burgen desyn keginwertegin offin brif czu eyme orkunde myt vnsyn ynsegiln geuestit vnd bestetigit, vnd wen wir Nickil vnd Ticzeman eygyn ynsegil nicht inhabin, zo vorbinde wir vns der vor geschrebin rede vndir vnsis brudirs Heynichs ynsegil stete vnd gancz czu halden an argelist. Der keginwertige brif ist gegebin noch Cristi geburt, do man czalte dri- czenhundert iar vnd zebin vnd fumezik iar an dem nehisten suntage vor pfyngisten. Der vorgeschrebin rede geczuge synt di eyrbern herren her Herman von der Nuen- stat, her Mertin von Turgow, her Niclaus von Dobelin, ewigin vicarien zcu Misen vnd di strengen Petir von Kobirshayn, Cornelius genant Sachse, vnd andir eyrber lfite genuk.

Nach dem Orig. im Stiftsarchiv zu Meissen. An einem Pergamentstreifen hangt das Siegel Heyuichs von Kobirshayn; das gleichfalls an einem Pergamentstreifen befestigt gewesene Siegel Heynichs von der Gane ist verschwnnden.

COD. DIPL. SAX. II. 2. 1

2 —