In nomine domini amen. Cum nihil sit, quod magis hominibus debeatur, quam ut supremae voluntatis liber sit stilus secundum canonicas et legales sanctiones, hinc est quod nos Johannes dei gratia episcopus Missnensis volentes de rebus a deo nobis collatis et per nostram industriam acquisitis condere testamentum et donationes facere infra scriptas. De expresso consensu nostri . . capituli dedimus, donavimus et legavimus disposuimusque nostrum testamentum secundum modum infra scriptum, et honorabiles viros dominos Theodericum decanum, Albertum praepositum Budissi- nensem, Conradum Pruzen praepositum Haynensem, Conradum de Walhusen archi- diaconum Lusatiae et Nycolaum doctorem decretorum, canonicos ecclesiae nostrae Missnensis et eorum quemlibet in solidum nostros testamentarios et executores testa- menti nostri seu donationum nostrarum ordinamus, constituimus, facimus et deputa- mus ad disponendum de rebus nostris relinquendis secundum voluntatem et dispo- sitionem nostram infra scriptam. Frimo eisdem . . deputamus et assignamus mille sexagenas latorum grossorum Pragensium pro munitione una seu certis redditibus annuis comparandis ecclesiae nostrae seu . . successoribus nostris et mensae episcopali, si et in quantum nos interim dum vixerimus unam munitionem non comparaverimus seu certos redditus annuos pro eisdem mille sexagenis. In quantum vero nos unam munitionem seu certos redditus pro dictis mille sexagenis comparaverimus, ex tunc praesens nostra assignatio et dispositio de ipsis mille sexagenis debet exspirare et ulterius vigorem non habere. Item assignamus et deputamus eisdem nostris executo- ribus trecentas sexagenas grossorum praedictorum ad comparandum certos redditus annuos pro duabus vicariis de novo in dicta ecclesia nostra Missnensi creandis et instituendis, si et in quantum per nos non fuerint comparati, prout pro nunc etiam est expressum. Item deputamus eisdem nostris executoribus et assignamus centum sexagenas grossorum praedictorum ad firmandum ecclesiam collegiatam Wurczinensem et castrum in Wurczin muro sollempni et fossato. Item deputamus et assignamus eisdem nostris executoribus sexaginta sexagenas grossorum pracdictorum pro con- struenda et aedificanda turre in castro Nussin. Item legamus et donamus . . succes- sori nostro canonice intranti duas nostras pelves lavatorias argenteas, item octo scu- tellas argenteas in maiori forma et quatuor in minori forma, item unum cyphum cum pede deauratum, in cuius medio iacet leo etiam deauratus, similiter et ipse cyphus est deauratus ab intra et ab extra, item unum cyphum Treverensem etiam cum pede. Item deposuimus apud ecclesiam nostram Missnensem centum sexagenas grossorum pro cautione ad reddendum . . canonicos et capitulum eiusdem ecclesiae indempnes in eo, quod procuratorium in causa . . abbatis Kempnicensis ad Romanam curiam trans- miserunt, quas etiam, si expensae non fuerint in dicta causa, in toto vel in parte dictis . . nostris executoribus assignamus et deputamus pro eomparandis redditibus annuis ad praedictas vicarias de novo creandas et instituendas in tantum, ut . .

15

vicarii earum pro tempore possint festivitates sanctorum Basilii confessoris et Bar- barae virginis, nec non anniversarium nostrum singulis annis, prout in aliis festivi- tatibus sollempniter institutis et anniversariis defunctorum in dicta Missnensi ecclesia observari consuevit, ministrare, ita ut quilibet . . vicariorum ultra huiusmodi ammi- nistrationes habeat decem sexagenas reddituum annuorum. Et si quid de dicta pecu- nia superesset, hoc fabricae Missnensi deputamus, adiicientes etiam, quod praedicti nostri executores seu testamentarii in rebus nostris, de quibus adhuc non disposui- mus et postea nos disponere continget, in omnibus nostram observare debeant volun- tatem. De rebus vero per nos relinquendis et relictis, et de quibus in vita nostra non disposuimus, post mortem nostram eisdem . . nostris executoribus et testamentariis pro remedio animae nostrae liberam disponendi damus facultatem. In quorum omnium testimonium praesentem litteram nostram scribi fecimus et sigilli nostri maioris appen- sione muniri. Datum et actum in castro nostro episcopali Nussin anno dom. mille- simo trecentesimo quinquagesimo octavo dominica die infra octavas apostolorum Petri et Pauli beatorum.

Et nos Johannes de Strelis praepositus, Theodericus decanus totumqtfe capi- tulum ecelesiae Missnensis praedictae recognoscimus nos tractatibus capituli et aliis sollempnitatibus debitis et consuetis rite observatis praecedentibus onmibus et singulis suprascriptis, et per reverendum praefatum patrem dominum Johannem episeopum Missnensem factis donatis legatis dispositis et ordinatis nostrum expressum adhibuisse capitulariter congregati consensum et assensum et praesentibus adhibere, et in evidens testimonium sigillum nostri capituli praesentibus duximus appendendum, et singulariter quilibet nostrum se subscripsit et sigillum suum praesentibus appendit.

Et ego Johannes dc Strelis praepositus Misnensis omnia et singula supra- scripta ratifico et approbo et eis consentio, et in testimonium, quia scribere non potui, per manum Conradi Pruze hic subscripsi et sigillum meum huic litterae appendi.

Et ego Theodericus de Gogh, deeanus Misnensis omnia et singula supradicta ratifico et approbo et eis consentio, et in testimonium manu propria me subscripsi et sigillum meum huic litterae appendi.

Et ego Pakslaus de Nymans, canonicus ecclesiae Misnensis omnia et singula supradicta ratifico et approbo et eis consentio, et in testimonium, quia non potui scribere, per manum Johannis de Sommerfelt hic subscripsi et sigillum meum huc appendi.

Et ego Palbertus de Mulhusen cantor Misnensis omnia et singula supradicta ratifico et approbo et eis consentio, et in testimonium, quia scribere non potui, per manum Conradi Pruze hic subscripsi et sigillum meum hic appendi.

Et ego Th. de Kappelndorf scolasticus Mysnensis omnia et singula suprascripta ratifico et approbo ac eis consentio, et in testimonium manu propria me subscripsi et sigillum meum huic litterae appendi.

Et ego Henricus de Slynicz archidiaconus Nysicensis et canonicus Misnensis omnia et singula supradicta ratifico et approbo et eis consentio et in testimonium, quia ad praesens scribere non potui, per manum Jo. de Draynicz me subscripsi et sigillum meum huc appendi.

Et ego Albertus praepositus Budisinensis et canonicus Misnensis ecelesiarum omnia et singula supradicta ratifico et approbo et eis consentio, et in testimonium manu propria subscripsi et sigillum meum hic appendi.

Et ego Joh. de Draynicz canonicus Misnensis omnia et singula supradicta ratifico et approbo et eis consentio, et in testimonium manu propria subscripsi et sigillum meum huc appendi.

Et ego Conr. Pruze, praepositus Haynensis et canonicus Misnensis supradicta omnia et singula ratifico et approbo eisque eonsentio, et in testimonium propria manu subscripsi et sigillum meum hic appendi.

Et") ego Geriko de Wolfticz canonicus Misnensis supradicta omnia et singula ratifico et approbo eisque consentio, et in testimonium, quia scribere non potui, per manum Conradi Pruze hic subscripsi et sigillum meum appendi.

Et ego Conradus de Walhusen vel de Kirchberg dictus, archidiaconus Lusa- tiae et canonicus Misnensis omnia et singula supradicta ratifico et approbo eisque consentio, et in testimonium manu propria subscripsi et sigillum meum hic appendi.

* Et ego Nicol. Ebirhardi doctor decretorum, canonicus Misnensis omnia et sin- gula supradicta ratifico et approbo eisque consentio, et in testimonium manu propria subscripsi et sigillum meum huic litterae appendi.

Et ego Nycol. Monetarii canonicus Misnensis omnia et singula supradicta rati- fico et approbo et consentio, et in testimonium manu propria subscripsi et sigillum meum huc appendi.

Nach zwei im Stiftsarchiv zu Meisson befindlichen Originalen. deren zahlreiche Abwcichungen ohne Aus- nahme nur Unwesentliches, meist in der Wortstellung bctreffen. Die beiden ersten Sip^el des Bischofs und des Capitels fehlen; vorhanden sind die Siegel des Probsts Joh. von Strelis, des Decans Theodericus von Gogh (zwei ttbers Kreuz gelegte Morgensterne), der Domherren Pakslaus, Baldebertus (ein Betender, darunter getheiltes Schild mit einem Lowen und drei Schragbalken), des Scholasticus Th. (h. Laurentius), des Archidiacon H. von Sehleinitz (Adler mit dem Heiligenschein u. Familienwappen). des Probsts Albert (h. Paulus). des Domherrn Joh. von Droynitz (Adler), des Probsts Conrad Pruze (vertical getheiltes Schild, rechts zwei Querbalken). der Domherreu Fr. von Miltitz (Familienwappen), Ger. von Wolftitz (schrtig getheiltes Schild ohne Figuren. nur an B.), Conr. von Kirch- berc (h. Maria Magdalena).

aj Vorher eine Zeile leer zur Unterschrift fiir ,ien Domherrn Pr. von Mllticz, dcssen Siegci jedoch angehiingt i.st.