In nomine domini amen. Nos Theodericus de Gogh dei gratia decanus eccle- siae Misnensis notum facimus — quod veniens ad praesentiam nostram honesta matrona domina Helena, relicta quondam Rudegeri dicti Quaz, ducta speciali devo- tionis affectu, quam ad ecclesiam Mysnensem praedictam gerere se asseruit, specia- liter in remedium animarum bonae memoriae quondam domini Jacobi plebani in Con- stopil") et vicarii eiusdem ecclesiae atque suae et progenitorum suorum domum suam, quam inhabitat dictam volgariter das Fuchsloch, sitam sub curia honorabilis viri domini Johannis de Strelis praepositi ecclesiae Mysnensis, coram nobis ac notario ac testibus infra scriptis altari in ecclesia Mysnensi praedicta in latere ipsius versus curiam domini marchionis Mysnensis sito et iu honorem beatorum Jacobi apostoli et Georgii martyris nec non gloriosae virginis et martyris Dorotheae consecrato, libere sponte et ex certa scientia tradidit, dedit et donavit perfecta donatione inter vivos per vicarium sive altaristam altaris iam dicti — perpetuo post mortem ipsius possi- dendam, nihil sibi iuris aut dominii in eadem domo et eius area atque fundo, praeter nudum usum ad vitae suae tempora duntaxat reservando, resignans — dictam domum cum sua area atque fundo ac universis suis attinentiis in manibus discreti viri domini Heynrici de Schonynvelt, vicarii sive altaristae beatorum Symonis et Judae aposto- lorum in ecclesia Mysnensi supradicta, qui est dominus hereditarius eiusdem domus nomine et ex parte dicti sui beneficii, cuique de ipsa solvitur annis singulis pro censu una libra cerae. Qui recepta resignatione — dictae domus et suae areae a domina Helena supra dicta, ipsam discreto viro domino Friderico de Wiltschicz vicario eccle- siae Mysnensis et altaristae moderni altaris beatorum Jacobi, Georgii et Dorotheae supra dicti contulit ibidem praesenti et recipienti iure hereditario sive emphiteotico ab ipso et suis successoribus in praedicto altari beatorum Symonis et Judae per ipsum dominum Fridericum et suos successores perpetuis temporibus possidendam, ita tamen quod ipsa domina Helena de hac vita sublata, dominus Fridericus de Wiltschicz vicarius sive altarista altaris beatorum Jacobi, Georgii et Dorotheae praedictorum, seu quicunque eius in eodem beneficio successor debeat Heynrico et Hannemanno filiis dictae dominae Helenae vel alteri, si cui eas legandum duxerit, sex sexagenas grossorum usualium et pro tempore currentium solvere atque dare, sub hac tamen conditione, si domus ipsa salva et in eo statu, in quo nunc est, permanserit, quando possessionem ipsius dictus dpminus Fridericus vel suus successor receperit vel recipere debebit corporalem. Si autem domum ipsam incendio, quod absit, ruina vel casu alio destrui vel annullari contingerit, antequam ipsius possessionem idem vicarius reciperet, ex tunc non sex, sed tres duntaxat sexagenas dictorum

a) Censtappol, Eph. Dvesden II.

5'

36

grossorum praefatis pueris vel cui ipsas legaverit, dare debet. Et nihilominus annis singulis quolibet sancti Martini festo praefatus dominus Fridericus seu eius in dicto beneficio successor pro tempore debet ad altare beatorum Symonis ct Judae apostolorum praedictum et eius altaristae sive vicario dare de domo prae- dicta tamquam domino hereditario ipsius pro censu unam libram cerae, ipseque Fridericus et universi sui in sepedicto beneficio successores debent domum supra- dictam habere tenere inhabitare et in perpetuum pacifice et hereditarie possidere. In quorum omnium testimonium praesens instrumentum per notarium infra scriptum scribi, nostrique decanatus sigillo ad preces dictae dominae Helenae iussimus com- muniri. Acta sunt haec Mysnae in domo habitationis nostrae anno domini millesimo tricentesimo sexagesimo indictione XIII*., pontificatus sanctissimi in Christo patris ac domini, domini Innocentii divina providentia papae sexti anno octavo, nona dic mensis Novembris hora quasi nona, praesentibus honorabilibus et discretis viris domino Conrado Pruyze canonico Mysnensi et praeposito Haynensi, Tyczkone de Gogh canonico et Theoderico de Gogh, perpetuo vicario ecclesiae Mysnensis, testibus ad praemissa vocatis specialiter et rogatis.

Et ego Michael dictus Lemkini de Gubin clericus Misnensis diocesis, 2! publicus imperiali auctoritate notarius, praemissae inter vivos donationi, g resignationi ac omnibus et singulis, dum sic agerentur et fierent, una cum g praenominatis testibus praesens interfui eaque sic fieri vidi et audivi et §. aliis negotiis impeditus per alium scribi feci meisque nomine et signo con- suetis signavi requisitus et rogatus in testimonium omnium praemissorum.

Nach dem Orig. im Stiftsarchiv zu Meissen mit dem Siegel des Decans an einem Pergamentstreifen.