Sanctissimo in Christo patri ac domino domino Vrbano sacrosanctae Romanae ecclesiae summo pontifici dei gratia Bodo decanus ecclesiae Mersburgensis a sede apostolica delegatus, Vlricus abbas monasterii sancti Petri extra muros Mersburg ordinis sancti Benedicti et Otto cantor dictae ecclesiae Mersburgensis a reverendo in Christo patre et domino domino Frederico episcopo et Petro praeposito ecclesiae Mersburgensis iam dictae iudices subdelegati eius devoti ac fideles devota pedum oscula beatorum. Placuit sanctitati vestrae causam, quam reverendus in Christo pater et dominus dominus Johannes episcopus ecclesiae Misnensis movere intendebat honorabili viro domino Withigoni abbati monasterii Veteris Cellae sanctae Mariae Cisterciensis ordinis Misnensis diocesis venerabili in Christo patri domino . . episcopo Mersburgensi et honorabili viro . . praeposito et mihi Bodoni decano ecclesiae Mers- burgensis committere cum clausula: quod si non omnes, tu frater . . episcope etc. Et cum aliqualiter in dicta causa inciperemus simul procedere, contigit praefatum venerabilem patrem et dominum et . . praepositum praedictos maioribus negotiis occu- pari, propter quod praefati episcopus mihi . . abbati sancti Petri et . . praepositus mihi cantori dictae ecclesiae Mersburgensis vices suas in statu quo erat commiserunt cum clausula: donec eam ad se ducerent revocandam. Nos igitur . . abbas, . . deca- nus et . . cantor praefati de causa cum cognosceremus iuris ordine per omnia servato, lite coram nobis in eadem causa contestata et iuramento de calumpnia praestito per partes praedictas, tandem positionibus et articulis per procuratorem actoris nobis in iudicio oblatis et per partem ream receptis praesente domino . . abbate reo terminum assignaremus ad respondendum eisdem, ipse contumaciter recessit nec respondere curavit, ut apparet in actis ad quae remittimus. Post haec quidam venit scilicet feria secunda elapsis fere tribus septimanis a tempore, quo dicitur interposita, et quandam cedulam papiream praesentavit in qua sic scriptum erat: In nomine domini amen. Anno nativitatis eiusdem M°. CCC°. LXVIIP. indictione sexta die vicesima tertia mensis Maii hora tertiarum vel quasi in oppido Erfordensi Magunt. diocesis et in curia habitationis honorabilis viri domini magistri Alberti de Eschenewege etc. cuius tenor hic in cedula papirea est affixus et sic dicitur appellasse; cui appellationi tamen non detulimus, oum eidem de iure non crederemus deferendum, quia ex causis falsis et frivolis est interposita et malitiose eius insinuatio nobis facienda per tres ebdo- madas est dilata. Sed cum instanter apostolos peteret communicato nobis iurisperi- torum consilio has litteras sibi pro apostolis refutatoriis duxinius concedendas nostris sigillis sigillatas. Datum anno domini M°. CCC°. LXVIIIo feria quarte proxima ante diem beati Johannis baptistae.

Nach dem Orig. im K. Haupt-Staatsarchiv zu Drcsden; an Pergamentstreifen hangen ein Bruchstiick vom Siegel Bodos, die Siegel des Abts Ulrich und des Cantor Otto (Wappen der vou Ilburg).

89