Johannes dei gratia sanctae Pragensis ecclesiae archiepiscopus, apostolicae sedis legatus, reverendo in Christo patri domino Nicolao episcopo Missnensi sinceram in domino caritatem. Inter cunctas sollicitudines etc. Decens est et consonum rationi, ut omnipotenti deo ac inclitissimo duci et beatissimo martyri Wenceslao, patrono Boemiae, cuius fuimus prout et sumus stipendiis a nostris primordiis feliciter educati, honorem aliquem grata vicissitudine nobis possibili reimpendere studeamus. Sane cum iam dudum nobis ad ecclesiam Missnensem auctoritate apostolica promotis unum altare in ea sub titulo gloriosissimi martyris supradicti fundare et certis redditibus fulcire incepimus et dotare, nobis tandem ad Pragensem ecclesiam metropolitanam immo legationis officio insignitam superna dispositione vocatis, negotium ipsum propter finalis in beneficium erectionis defectum iuxta modum canonicum remanserat inex- pletum, nos modo ad tam laudabilis propositi consummationem opem et operam adhi- bere volentes, pro reali perfectione beneficii memorati eidem beneficio seu altari et rectori sive vicario, qui ipsum pro tempore gubernabit, iura redditus et obventiones per nos ad laudem gloriam et honorem dei et sanctissimi Wenceslai comparatas sub modis et conditionibus infrascriptis in Christi nomine damus, conferimus et etiam assignamus. Primo videlicet in villa Canycz") decem sexagenas cum media Missnen- sium novorum grossorum, in villa Rederb) tres sexagenas cum viginti quatuor grossis, in opido et circa opidum Dresden duas sexagenas cum quindecim grossis, in opido Nussync) duas sexagenas novi similiter pagamenti cum omnibus suis minutis, perti- nentiis et pleno dominio in quibuscunque rebus consistant seu quibuscumque vocabulis designentur. Verum cum beneficium regulariter detur propter officium, naturam et qualitatem dicti beneficii volumus esse talem, quod is qui ad dictum altare cum vacaverit debuerit praesentari, debeat esse cum effectu in sacerdotio constitutus. Item volumus et etiam ordinamus, quod dictus altarista seu iuxta morem ecclesiae appel- latus vicarius omni septimana perpetuis futuris temporibus in dicto altari quatuor missas per se vel alium legere debeat et tenere, unam die dominica de tempore, vel aliam aptam illi diei ut si aliquod festum tali die novem lectionum occurrat, feria tertia missam pro defunctis, quinta feria de sanctissimis patronis Boemiae Vito, Wenceslao, Adalberto atque Sygismundo sub officio ,sapientiam sanctorum' etc., sabbato vero de sancta Maria. Et quotienscumque rector dicti altaris sive vicarius

a) Canitz. Eph. Oschatz. b) Uodcrn, Eph. Gro.-tsenhain. e) Vgl. N'o. 013.

179

aliquam missam diebus praedictis per se vel alium ut praemittitur, neglexerit cele- brare, poenam viginti grossorum pro aliis ministris ecclesiae irremissibiliter solven- dorum se noverit incurrisse, ad quorum solutionem per Pragensem archiepiscopum, vel Missnensem episcopum seu ipsorum in spiritualibus vicarios cogi poterit monitione tantum praemissa ecclesiasticam per censuram, poenis aliis per statuta iurata inflictis in omnibus semper salvis. Item statuimus et iuris permissione decernimus, ut dictus altarista sive vicarius in festo sancti Wenceslai dicti altaris patroni pro missa, quae ipso die in dicto altari per canonicos et ministros cantari debet sub nota, sicut con- suetum est in ecclesia Pragensi cum officio diurno et nocturno cantari, illo etiam die celebrans duas sexagenas novae monetae dictis canonicis et ministris ad portiones det et realiter ac cum effectu persolvat sub poena et poenis superius expressatis. Praeterea taliter ordinamus, ut in anniversario parentum nostrorum videlicet domini Pauli de Jenczenstain et dominae Margarethae, qui est in vigilia beati ^Thomae apo- stoli, canonicis et ministris circa huiusmodi altare missam defunctorum cum comme- moratione cantantibus duas sexagenas novorum grossorum sub praedicta [poena] numeret et assignet. Insuper in anniversario reverendissimi in Christo patris domini Johannis, basilicae XII apostolorum presbyteri cardinalis, patrui nostri carissimi, qui est in octava epiphaniae domini, duas sexagenas ad portiones pro missa defunctorum assignet. Nobis vero fundatore de hac luce subtracto in anniversario nostro annis singulis pro missa defunctorum, quae in dicto altari cantari debebit sub nota, duae sexagenae similiter novae pecuniae expendantur sub poenis saepius nominatis, nobis autem viventibus semel in anno missa de beata virgine, festum consuetum aliquo die, quo ipsis placuerit, solempniter decantetur et dictae duae sexagenae pro anni- versario nostro deputatae inter canonicos et ministros iuxta morem ecclesiae divi- dantur. Ceterum ius patronatus seu conferendi vel praesentandi dicti altaris nobis ut archiepiscopo Pragensi et nobilibus Martino, Paulo et Wenceslao de Jenczenstain, fratribus nostris germanis, totaliter reservamus, ita et taliter, ut nobis omnibus qua- tuor fratribus sublatis de medio, ad Pragenses archiepiscopos successores nostros dicta collatio seu ius patronatus debet perpetuis temporibus plenarie pertinere. Licet autem nos ratione legationis utpote apostolicae sedis vicarius possemus in dicta Missnensi ecclesia beneficia erigere et creare, nos tamen vobis, reverendo patri domino Nicolao episcopo Missnensi praedicto, propter indissolubilis amicitiae vinculum, quo nobis invicem obligamur, in hac parte deferre volentes, paternitatem vestram. attente rogamus et petimus, quatenus huiusmodi nostrum propositum, fundationem dotationem et ordinationem, quam salubrem reputamus et iustam, autoritate vestra ordinaria dignemini approbare, in beneficium erigere et creare, dictaque bona eidem altari et eius ministro cum omnibus suis clausulis oneribus et emolimentis, conditio- nibus et punctis ac modis incorporare et inviscerare, dictosque redditus et iura eidem appropriare et applicare, ita ut amplius et in antea iuris canonici et ecclesia- stici censeantur, auctorisare et in dei nomine confirmare. Ut autem nihil de contin- gentibus obmittatur, vobis humiliter porrigimus preces nostras, quatenus pro ampliori libertate dicti altaris bona possessiones iura et redditus supradictos, in quantum vobis tamquam Missnensi episcopo sunt aliquo vasallitico iure obnoxia, ea dignemini

23*

180 —

a dicto iure et servitute absolvere et eximere, ac penitus libertare, praesertim cum bona praedicta vestrae iurisdictioni ecclesiasticae tamquam bona ecclesiastica subiace- bunt. Super quo vestras et capituli vestri litteras a litteris erectionis et creationis distinctas petimus reversales. In quorum omnium testimonium et robur perpetuum sigillum nostrum maius praesentibus est appensum. Datum Frankenfurd Magunti- nensis diocesis anno domini millesimo trecentesimo octuogesimo die vigesima sexta mensis Martii.

Nach dem Orig. im Stiftsarchiv zu Meissen mit dem beschädigten Siegel des Erzbischofs mit Rucksiegel an einer Schnur von violetter Seide.

Balbini miscell. hist. Dec. I. lib. VI. p. 108 sqq.