Wyr Frederich, Wilhelm vnde Frederich von gotis gnaden lantgraffen in Do- ringen vnde marcgrauen zcu Miessin bekennen —. Wenne die erbern er Nigklaws von Heinicz vnde meister Steffan Moir thumhern zcu Miessen selwartin ern Andrews Grauwen eczwennc thumhern zcu Missin seligin gedechtnisses dry hufen landis vnde dry vierdeteil eynir hufen yn dem flure des dorffs Radaw, in der pflege zcum Hayne ubir Elbe gelegin mit dem hoffe holcze puschen wesin weidin wassirn vnde wassir- louften vnde allin yrin zcugehorungen widdir den gestrengin Nigkel Beyer — gekouft habin, die vns ouch der gnante Nigkel Beyer williglichin in vnsir hende vffgelassin, — die obingnanten ern Nigklaws vnde meister Steffan vns ouch ynniglichin gebetin habin, daz wir die gnanten hufen landis mit iren obingeschrebin zcugehorungen der kirchin vnde dem capitele zcu Missin eigin woldin, daz wir an gesehin habin ire ynnige begerunge vnde lutir andacht, vnde habin — die — dry hufen landis vnde dry vierdeteil eynir hufen mit dem hoffe holcze — der kirchin vnde capitele zcu Missin geeygint vnde gegebin, also daz daz capitel zcu Missin die iczund sin vnde alle ire

339

nachkomen, adir wem sie daz von iren wegin beuelin, habin besiczczen vnde der gebruchen adir uff zcinss vz lassin sollin, wie yn das aller bequemest ist, — dauon ouch das capitel zcu Missin ire procuratores adir weme sie daz beuelin, alle jar eyne thunne heringis zcugen vnde kouffen, vnde die yn der vastin vndir die korschuler teilin sollin, vnde eigin vnde gebin ouch die obingeschrebin hufen landis mit iren zcugehorungen zcu den obingnantin kirchen vnde capitel zcu Missin von vnsir forst- lichin gewald gnediglichin mit disem briue ewiglichin dabie zcublieben vnde darczu czufolgen, vnde eyne thunne heringis den korschuleren dauon zcukouffen in allir masse, alze obingeschrebin stehit vnde eigins recht ist. Des zcu orkunde —. Hiebie sin gewest vnde sint gezcuge dy ediln vnde gestrengen vnsir liebin getruwin er Albrecht borcgraue von Lissenig herre zcu Penig, er Hugold von Slinicz, er Offe von Sliwin vnde er Ditherich von Milticz rittere, Gunther von Bunaw vnde Nigkel vom Honsperge, vnde andir lute gnug den wol ist zcu glouben. Gegebin zcu Missin nach gotis geburten vierczenhundirt jar, vnde darnach in dem achten jare am man- tage vor vnsir frowin tage purificationis.

Nach dem Orig. im Stiftsarchiv zu Meissen mit den Reitersiegeln der drei Markgrafen an Pergamentstreifen. Hasche Magazin f. d. Siichs. Gesch. VIII. S. 460 ff.