Wir burgere, ratlute vnde gesworn der stad zcume Hayne ubir Elbe vnde die ganeze gemeyne die yczunt sint adir nach vns werdin, Hencze Kelle burger- meister, Nyclaus Zcerremantel, Hans Leczschen, Nyczsche Konigisbrucke, Petir Gonczil, Bernhard Strele, Hannus Steinweg, Nyckel Voyt, Hans Hernbecker, Nycz- sche Borschewicz, Nyczsche Colbe, Syfridus ratlute bekennen vnde tun kunt in dissem offen briefe allen den, die in sehin, horen odir lesen, das wir von geheizses vnde von gebotis wegin des hochgebornen furstin, hern Wylhelms, marcgrauen zcu Missen, vnsers liebin gnedigin hcrn, vnde ouch mit wissen vnde willen vnser liebin gnedigin frouwen, frouwen Klizabeth, marcgrafin zcu Missen, vnde von irem geheizse globin vnde globit habin in guten truwen mit kraft dizsis geinwertigin briefis dem erbarn ern Gotschalke Zcekerycz vnde ouch alle sinen nachkomen eylif schog gro- schin Fryberger muncze zcu eyuer ewigin vycaryen vnde altare in deme thume zcu Missen, die der egnante vnser liebir gnediger herre er Wilhelm, marcgraue zcu Missen von nuwens vsgesaczt vnde gestift had vnde gewyhit ist in der ere der heiligin jung- frouwen sende Otylien, sente Johannes ewangelisten, sente Agneten vnde sente Kathe- rynen, vnde globin im vnde alle sinen nachkomen, die obgnanten eylif schog gro- schin Friberger muncze, halb vf sente Michils tag vnde halb vf sende Walpurgintag die nehist zcukumftig werdin, gutlichin zcu beczalin vnde zcu reichin an allis arg vnde an allirleye vorczog. Ouch gloubin wir dem egnanten ern Gotschalke vnde allin sinen nachkomen, das wir sullin nach enwullen von keynerleye hande sache wegin

233

keynen inval von vnser stad wegin intragin, sundern wir wullin die vorgesehribin ej'lif schog groschin gutlichin an allis arg leystin vnd beczalen vf die vorgnanten zcwene zcinstage alle iar ierlichin vnde ewiglichin von vnsers hern stad iar rente an arg vnde vnuorczoglichin. Das wir alle dise vorgeschribin globede, beczalunge vnde stucke stete vnde gancz haldin sullin vnde wullin an alles arg, das zcu einem mer- glichim bekentnisse vnde vestnisse, habin wir vnser stad gros insigel an dissen brief lassen hengin, der ggebin ist nach Cristi gebort dryczehin hundirt iar in dem sybin vnde achczigisten iare am sente Johans tage vnsers hern toufers.

Nach dem Orig. im Stiftsarchiv zu Meissen wie No. 703.