Wir Niclaus techand zcu Misne bekennen offinlichen vor vns vnd vnser nach- volgern, daz vnser man Paul Wynkil, gesezzin zcu Preudow mit vnser gunst willen vnd wissin recht vnd redelichen vorkouft hat eyne hufe artackirs, gelegen bye Hen- czils Schumans ackire, allernest in deme flure zcu Preudow den erbern hern Titzkon von Capellndorf thumherren vnd hern Johanse von Grobir, ewigen vicarien zcu Misne, vnd zcu irer hant deme ganczen capitel dez thumes zcu Misne vor dry schok guter Fribergischer groschen, der sy vnsern egenanten man gereite beczalt haben, vnd vnser egenante man dy egenanten herren dy selben hufe vor daz gelt gereite vfge- lazen, vnd wir haben dy hufe den herren williglichin geligen zcu irme gelde. Nu haben dy herren dy selben hufe vnsern manne egenant wider gelazen ierlichen vmbe achzcen groschen rechtes erbezcinses, halb vf send Walpurgis vnd halb vf send Michils tage zcu geldene ane hyndernyzze, mit sulcher bescheidenheit, daz dy herren dy selben hufe vorkouffen mugen vmbe sulch gelt vnd zcu sulchem zcinse wenne sy wollen. Doch sullen sy den kouff vnsern manne zcu dem ersten anebyten vnd weme sy dye vorkouffen, dem sullen vnd wollen wir sy lihen zcu sulchem gelde vnd zcinse, als wir den herren getan haben, doch also daz vnser egenanter man allezcit eynen widirkouf daran behalden sulle zcutunde wenne er mflge oder wolle, vnd haben dez zcu vrkunde vnser insigel an disen brif gehangen. Vnd ich Paul Winkil egenant bekenne alle der vorgeschriben rede vnd globe dy in guten truwin ane allerleyge argelist stete vnd gancz zcu haldene, vnd habe den egenanten herren vnd koufferen da vor zcu burgen gesaczt Hencziln Schuman vnd Petir Ticzen myne nakebure gesezzin in dem dorfe zcu Preudow, dy mit mir vnd vor mich alze rechte selbschul- digen mit gesampter hant in guten truwen globit haben alle dy vorgeschriben glubde vnd rede stete gancz vnd vnvorbrochinlichen zcu haldene. Ginge ouch myner ege- nanten burgen keyner abe, von welchin sachin daz queme, so sal ich bynnen eynen manden, nehst dar noch volgende, wenne ich dez ermanet werde, alz eynen guten burgen an dez stat setzen, der alle dy vorgeschriben rede vnd artikel globde stete vnd gancz halden solde, also gener solde getan haben, der abegegangen were. Vnd wenne ich Paul Wynkil vnd mynen burgen Henczil Schuman vnd Petir Titzcen egenante egener insigele nicht enhaben, so globen vnd vorbynden wir vns, alle dy vorgeschriben rede glubde stucke vnd artikel vnder dez egenanten vnsers herren des techand insigel stete gancz vnd vnvorbrochenlichen zcu haldene vnd dawider mit worten noch mit werken, heymelich noch offinbar nymmer zcu tunde. Diser brif ist gegeben noch Cristi geburte driczen hundirt iar, dar noch in dem sechs vnd sybin- czigistem iare an der heiligen apostiln tage Symonis et Jude.

Nach dem Orig. im Stiftsarchiv zu Meissen mit dem Siegel an eiuem Pergamentstreifeu.

21*