Wir Elizabeth marcgrafynne zcu Mizsen von goczs gnadin bekennen vnde tun kunt mit disem geinwertigen brife, als vns der hochgeborn furste herre er Wil- helm marcgrafe zcu Mizsen vnser liebir gnediger herre vns mit Dobelyn hus vnde stad manschaft vnde allir zcugehorunge zcu eynem lipgedinge gegebin gedinget vnde gemacht hat, vnde wir ouch darmite belehent sint, daz wir daz selbe slos Dobelyn hus vnde stad mit manschaften vnde allir siner zcugehorunge, als wir da mite bedinget vnde beligen waren, vnserm herren ern Nyclause bisschofe zcu Mizsen, der vns darmite belehent hatte, williglich vnde vnbetwunglich vfgelazzin, vnde vns des genczlichin vorczigen vnde ouch die manschaft burgere vnde amptlute zcu Dobelyn der huldunge vnde eyde, die sie vns zcu eyme lipgedinge getan hatten, ledig vnde los gesagit vnde gelazzin habin, vnde vorczihen vns ouch des egenanten slozsis Do- belyn hus vnde stad mit allir siner zcugehorunge williglich vnde vnbetwunglich, vnde sagin ouch die manschaft burgere vnde amptlute zcu Dobelyn allir globde vnde eyde, die sie vns getan habin, ledig vnde los ane arg mit disem brife. Des selbin slozsis Dobelyn vnde siner zcugehorunge vns vnsir liebir herre egenant mit andern sinen guten, da mite er vns hat bedinget vnde beligen hat lazzin, widerstatunge getan vnde widerstatet hat, da vns wol an gnuget, vnde habin des zcu orkunde vnser insigel an disen brif lazzin hengen. Darby sint gewest vnde sin geczuge der edele er Albrecht burcgrafe von Lizsenig herre zcu Penyg, die gestrengin er Tamme

28*

220

Phlug, er Heinrich Grozse vnde er Tyczman truchtsezse. Ggebin zcu Rochlicz nach goczs geburt dryczenhundirt iar in dem funf vnde achczigsten iare an sent Johans baptisten tage.

Nach dem Orig. im K. Haupt-Staatsarchiv zu Dresden mit dem Siegel der Markgrafin an einem Pergamentstreifen.