In nomine sanctae et individuae trinitatis amen. Conradus dei et apostolicae sedis gratia Misnensis ecclesiae episcopus, universis et singulis, ad quos praesentes pervenerint, salutem in eo, qui est omnium vera salus. Dignum arbitramur etc. Notum esse volumus — quod honorabilis vir dominus Nycolaus Monetarii praepositus

144

Haynensis et canonicus ecclesiae nostrae, qui piae devotionis motus affectu suae ani- mae nolens memoriam cum unius lamentationis sonitu deperire, sed potius ei post hanc vitam aeternam impetrari requiem, thesauros tinea et aerugine consumptibiles in coelestis curiae gazophylacium per manus devotorum curavit perhenniter deportari, quandam vineam dictam der Schrammenberg ex una parte ad meridiem cum vinea fratrum dictorum Czigelere opidanorum in Dresden et ex alia versus septentrionem cum rubeto Tyczkonis dicti Kundige et fratrum eius confrontantem, quae quidem vinea cum suo fundo a nobis et ecclesia nostra Misnensi procedit et habetur in feudum, bona ac matura deliberatione praehabita, accedente quoque consensu et beneplacito suorum fratrum Johannis videlicet et Petri et ipsorum heredum, fabricae dictae nostrae ecclesiae sponte et libere dedit et donavit perfecta donatione inter vivos cum omni iure ac pertinentiis, proventibus, utilitatibus universis, nihil sibi iuris pro se nec pro suis heredibus seu etiam fratribus et eorum heredibus praedictis penitus reservans in eadem, ad hunc finem et effectum, quod magister fabricae, qui per decanum et capitulum ecclesiae nostrae praedictae consuevit et debet deputari ac pro tempore fuerit deputatus, postquam domino volente praefatus dominus Nycolaus de praesentis vitae medio fuerit evocatus, canonicis emancipatis et integratis atque vica- riis perpetuis et temporalibus in vigiliis et missa defunctorum praesentibus in die anniversario obitus antedicti domini Nycolai in ecclesia Misnensi peragendo unam sexagenam grossorum Fribergensium, canonicis videlicet quadraginta, vicariis vero viginti grossos perpetue tenetur et debet ministrare. Aedificiorum quoque necessario- rum, tecturarum fenestrarumque notabiles defectus praedictus magister fabricae etiam ex eadem vinea debet reparare, nec non ad ministrandum tres solidos grosso- rum solum canonicis emancipatis et integratis in die Appolloniae virginis et martyris gloriosae in vesperis et missa praesentibus magistrum fabricae astringimus memo- ratum. Eapropter saepedictus dominus Nycolaus nobis humiliter supplicavit, qua- tenus suam donationem et dotationem praedictas approbare — et confirmare digna- remur. Nos vero ipsius supplicationibus rationi consonis, iustis et deificis favorabiliter inclinati, praelibatam donationem, dotationem approbamus — ac auctoritate nostra ordinaria — confirmamus etc. In quorum omnium testimonium et evidentiam firmio- rem praesentes litteras scribi et nostri maioris appensione sigilli fecimus communiri. Datum et actum Misnae anno domini millesimo trecentesimo septuagesimo tertio in die beatae Margarethae virginis, praesentibus et testibus magistro Hermanno de Nova Civitate, Michaele de Gubin, Andrea deKotebuz, perpetuis ecclesiae Misnensis vicariis, Francisco Konegisbrucke officiali, viris honorabilibus et discretis, nostris oratoribus devotis.

Nach zwei im Stiftsarchiv zu Meissen befindlicheu in wenigen Stellen nur unerheblich in orthographischer Beziehung von einander abweichenden Ausfertigungen mit dem Siegel des Bischofs an Pergamentstreifen.

145