Urbanus episcopus servus servorum dei venerabilibus fratribus Misnensi, Katisponensi et Bambergensi episcopis, ac dilectis filiis abbatibus, praepositis, decanis, archidiaconis, plebanis et aliis ecclesiarum et monasteriorum praelatis ac rectoribus, capitulis quoque collegiis et conventibus ecclesiarum et monasteriorum ordinum quo- rumeunque ceterisque personis ecclesiasticis tam regularibus quam secularibus in Misnensi, Ratisponensi et Bambergensi civitatibus et diocesibus constitutis salutem et apostolicam benedictionem. Ex debito pastoralis officii cupientes, quod subditi et praesertim in sortem domini evocati iuxta piam dispositionem regis pacifici sint pudici, pacifici et modesti, illa libenter statuimus atque concedimus, per quae prompta sem- per ad peccandum humana fragilitas tanto strictius ab illicitis refrenetur, et cum excesserit diligentius corrigatur, quanto pluribus et fortioribus fuerit gubernaculis coarctata, idque tunc libentius facere delectamur, cum ad hoc mundanorum regum et principum vota ex sincera caritate concurrunt. Nuper siquidem carissimus in Christo filius noster Karolus Romanorum imperator semper augustus et Boemiae rex illustris coram nobis et fratribus nostris exposuit, quod in Bambergensi, cuius diocesani et ecclesia Bambergensis Romanae ecclesiae immediate subiecti , ac in Ratisponensi, quae de Salzeburgensi et in Misnensi diocesi, quae de Magdeburgensi provinciis existunt, sunt plurima castra terrae villae et loca ad regem Boemiae, qui est pro tempore, iustis titulis pertinentia, quae per ipsum pro regno Boemiae vel alios pro eo tenentur et pacifice possidentur, et in quibus etiam castris terris villis et locis plurimae ple- baniae et ecclesiae ac multitudo cleri consistunt, quodque personae ecclesiasticae ibi- dem existentes sunt nimium dissolutae, divinis officiis et honestis moribus non vacan- tes, pluraque beneficia ecclesiastica se invicem non compatientia insimul dampnabiliter detinentes, ex quibus indevotio populi, animarum pericula aliaque mala et scandala plurima subsequuntur, ipseque imperator ex illis, quae ab ipsarum personarum dio- cesanis et superioribus minime corriguntur, plurimum conturbatur. Quare dictus imperator nobis humiliter supplicavit, ut tam dictis Misnensi, Ratisponensi et Bam- bergensi civitatibus et diocesibus super praemissis salubriter providendo, quam etiam in provincia Pragensi, quae in regno praedicto consistit, ut ibidem pleniore auctoritate

64

virtutes excolantur et vitia exstirpentur, et ut etiam Pragensis ecclesia in sua pro- vincia amplius honoretur, venerabilem fratrem nostrum Johannem archicpiscopum Pragensem et successores suos archiepiscopos Pragenses, qui erunt pro tempore, apostolicae sedis legatos perpetuos eonstituere et creare de benignitate apostolica dignaremur. Nos itaque super praemissis omnibus diligenter attentis et super his plena informatione recepta et cum dictis fratribus dcliheratione prachabita ipsius impe- ratoris in hac parte supplicationibus inclinati, de dictorum fratrum consilio praedictas civitatem et diocesim Misnensem ab omni iurisdictione dominio et potestate, quae archiepiscopus Magdeburgensis existens pro tempore, et qui in provincia sua Magde- burgensi, de qua dictae civitas et diocesis Misnensis ut praefertur existunt, apostolicae sedis legatus fore diccbatur, in ipsis civitate et diocesi Misnensi iure seu ratione dictae legationis habebat seu sibi quomodocunque vel qualitercunque competebat vel competere poterat, et ab ipsa legatione duntaxat ex certa scientia de apostolicae potestatis plenitudinc per alias nostras literas in totum exeminius et plenarie libera- vimus, ipsumque Johannem archiepiscopum et successores suos archiepiscopos Pra- genses, qui essent pro tempore, perpetuos apostolicae sedis legatos in cisdem, sua provincia, ac Misnensi, Bambergensi et Ratisponensi civitatibus et diocesibus aucto- ritate apostolica fecimus constituimus et creavimus, eisdem Johanni archicpiscopo et successoribus in eisdem provincia Pragensi ac civitatibus ac diocesibus, ut ibidem evellant, dissipent atque plantent et omnia et singula, quae ad huiusmodi legationis officium de iure pertinent, exercere et facere valeant, vices nostras et legationis offi- cium perpetuo committentes, nec non contradictores quoslibet et rebelles auctoritate nostra per censuram ecclesiasticam appellatione postposita compescendi facultatem plenam et liberam concedentes, non obstantibus quibuscunque constitutionibus et privilegiis apostolicis gratiis ct literis eidem Magdeburgensi archiepiscopo vel quibus- vis aliis sub quacunque verborum forma concessis, etiamsi talia sint, de quibus quo- rumque totis tenoribus ac propriis personarum et locorum nominibus habenda sit in nostris literis mentio specialis, seu si aliquibus communiter vel divisim ab eadem scde indultum exisfat, quod interdici suspendi vel cxcomnnmicaii non possint per literas apostolicas non facientes plenam et expressam ac de verbo ad verbum de indulto huiusmodi mentionem. Quocirca universitati vestrae per apostolica scripta mandamus, quatenus eundem Johannem archiepiscopum et successores suos huiusmodi, cum eos ad loca vestra declinare contigcrit, tanquam dictae sedis legatos pro ipsius sedis et nostra reverentia benigne recipere et honoritice pertractare eorumque monita et mandata devote et efhcaciter adimplere curetis, alioquin sententias, quas ipsi rite tulerint in rebel- les, ratas habebimus et sanciemus auctore domino usque ad satisfactionem condignam inviolabiliter observari. Datum Avenione V. Kal. Junii pontificatus nostri anno tertio.

Naeh einer eigenhändigen Abschrift Fr. Mt. Pelzels vom Orig. im erbischofl. Archiv zu Prag in Ursinus diplomatar. Misn. der Konigl. offentl. Uibliothek zu Dresde.n Vol. II. fol. 74 f.

Eine zweite ini "Wesentlichen gleichlautende Bulle von demselben Tage, worin dem Erzbischof Johann von Prag seine Ernenuung zum apostolischen Legaten in der Prager Provinz und den Diocesen Regensburg, Bamberg und Meissen eroffnet wird s. bei Pelzel, K. Karl IV. Thl. 2. S. 304 ff. Nach dem Regest. litt. apostolicar. Urbani PP. V. im Vatican. Archiv wurden in dieser Angelegenheit 10 Schreiben erlassen, vgl. Lorber a Storchen (Jo. Schott) diss. de jure perp. legatioois apostol. per dioec. Bamb. Ratispon. et Misn. Archiepiscopo Pragensi haud competente (Bamb. 1781.) p. 41 sqq.

1

65