Johannes episcopus — venerabili fratri . . episcopo et dilectis filiis capitulo ecclesiae Misnensis salutem etc. Sancta et immaculata mater ecclesia etc. Quantis itaque post susceptum a nobis deo volente iugum apostolicae servitutis et gravibus pressi fuerimus oneribus expensarum, et qua quasi importabili eorum mole premamur assidue, si recto examine Christi fideles considerent, iusta compassione compulsi nobis et praefatae ecclesiae in tot arduis necessitatibus occurrerent subsidiis oportunis. Nam

367 —

Ladizlaus de Dirachio hostis impius atque rebellis praefatae ecclesiae se regem Sici- liae ausu temerario nominare praesumens cum aliquibus eius complicibus conspiratio- nibus machinationibus ac omnibus viis hostilibus apertis et occultis provincias civitates et terras nobis et ecclesiae praedictae suppositas ultra illas, quas occupavit et detinet occupatas, invadere et occupare nititur, devotosque ac fideles a nobis et eadem ecclesia seducere ac extirpatum scisma per generale Pisanum concilium serere et errores ac haereses multiplicare et reliqua temptare non desinit, per quae quantum in eius dispositione scelesta fuerit statum eiusdem ecclesiae dare valeat in ruinam ac divina et humana pariter perturbare. Cuius ut nephandis molitionibus resisteremus eiusque reprimeremus conatus, ct occupata recuperare valeremus statuique ecclesiae ac subditorum praefatorum saluti ut oneri impositio nobis incumbit consuleremus, ad hanc almam urbem alias de manibus dicti Ladizlai maximis laboribus et expensis ereptam, et ad cuius occupationem denuo intendebat, in qua cum nostra curia reside- mus, nuper de civitate nostra Bononiae discedentes continuatis dietis ac maxima c1un celeritate prout magna urgebat necessitas venimus et in illo sperantes, qui Petrum ambulantem in undis ad portum salutis perduxit et in quem nostros iactavimus cogi- tatus, maximas armigerarum gentium prout magnitudo negotii et hostilis malignitas atquc potentia exigunt conductas fieri fecimus, pro quarum1) satisfactionibus et aliis supportandis oneribus insupportabilia proveniunt expensarum profluvia, ad quae nostrae et praefatae ecclesiae ac camerae apostolicae non suppetunt sine aliorum praesidiis atque suffragiis facultates, cum etiam dicta camera nedum pecuniis exhausta, sed magnis debitis sit gravata, propter quod in tantae necessitatis articulo subsidium cum speciali fiducia cogimur implorare. Quare in domino nostro Jhesu Christo eiusdem caritatis labiis vos hortamur atque rogamus, quatinus huiusmodi nostram et ecclesiae praefatae necessitatem multiplicem devotis mentibus contemplantes de pecuniario sub- sidio condecenti, prout discretioni vestrae videbitur, pro eisdem necessitatibus rele- vandis studeatis nobis devote et liberaliter providere, ut nos et eadem Romana ecclesia, quibus pro subventione huiusmodi laudabile multipliciter obsequium exhibebitis, teneamur vos et vestra negotia paternis et benivolis studiis promovere, subsidium huiusmodi a dilectis filiis . . abbatibus prioribus magistris primatibus praeceptoribus capitulis monasteriorum et prioratuum quorumlibet ac clero exemptis et non exemptis in civitate et diocesi Misnensi constitutis nostro ac ecclesiae et camerae praefatarum nomine implorandi ac petendi, et per vos vel alium seu alios exigendi illis temporibus terminis modis et conditionibus, et prout congruum et decens discretioni vestrae vide- bitur, contradictores quoque et rebelles per censuram ecclesiasticam et alia iuris reme- dia appellatione cessante compellendi, non obstantibus si alicui communitcr vel divisim ordinibus vel personis a sede apostolica sit indultum, quod excommunicari suspendi interdici, aut quod ad solutionem seu praestationem alicuius subsidii decimae imposi- tionis vel oneris compelli seu exigi vel coartari nequeant, per litteras apostolicas plenam et expressam non facientes de indulto huiusmodi et totis eorum tenoribus ac de verbo ad verbum et eorum nominibus locis ordinibus ac personis mentionem et aliis contrariis quibuscunque, tenore praesentium vobis facultatem liberam et plenariam

J) quorum Orig.

— 368

concedentes. De his autem, quae praesentium vigore per vos aut deputandos a vobis facta fuerint in praemissis, nos et cameram praefatam per litteras aut publica docu- menta certificare pecuniasque propterea exigendas ad nos transmittere per litteram cambii vel alium tutum modum, quanto eelerius fieri poterit, prout tanta nostra et ecclesiae requirit necessitas, procurare velitis. Datum Romae apud sanctum Petrum II. Kal. Maii pontificatus nostri anno primo.

J .. de Curia.

A. de Reate.

Ja. de Breubant.

Nach dem Orig. im K. Haupt-Staatsarchiv zu Dresden mit dem Bleisiegel an hanfener Schnur.