Wir Albrecht Vrowensteyn richter zu Pyrn, Fricze Dithersbach burgermeister, Nickel Sorgel, Reyner, Cunat Wildener, Hentschel Helfer, Nickol Veiste, der alde

61

Thicze Melling, Walther Wolfel, Cfinel Reuber, Weynant Groz, Peter Hentschel Gobel gesworn ratlute der stat Pyrn bekennen offenlichen in disem brife allen den, di in sehen oder horn lesen, daz vor vns gewest sint di erbern manne Posern heupt- man zu Welyn vnd Vllin von Lichtensteyn heuptman zu Libental von vnsers gnedi- gen herren wegen hern Johans bischofs zu MyCen vnd ouch Hentschel Cretschemer mit Mertin sime bruder vnd Andreas vnd Nickel sines bruder sonen, vnd haben vns beidersit gebeten vm vnser stat briff zu eyme gezugnisse vnd bekentnisse der berich- tunge, di geschehen ist zwischen vnserm herren dem bischofe vnd Hentschel Kret- schemer vnd sinen frunden, alz si vor vns bekant haben in vollem rate vor gehegter bang mit allen den bfinden vnd gelfibden, alz von worte zu worte hernach geschriben stet. Zum ersten mal hat gelobt Hentschel Kretschemer vnd Mertin sin bruder vnd Andreas vnd Nickel sins bruder sone vor eynen rechten steten vrede, daz alle di dor vmme vordacht sin oder noch vordacht m6chten werden, di sullen vnvordacht bliben, vnd aller beschedigunge di her genomen hat in disen teydingen hat her sich vorczegen vor gehegter bang nymmermer zu vordern mit keym argen noch nymande dor vmme zu vordenken. Daz ander, daz llentschel Kretschemer schol geben vnserm herren dem byschofe zwey vnd zweinczik schok groschen Pregischer mfincze, eylff schok vf sant Mertins tag vnd eylff schok vf vnser vrowen tag lichtweihe, die beide nest zu kfimftig sint. Do hat vor gelobt Fritsche Tule vnd Hentschel Ronenberg vnd Andreas vnd Nickel des Kretschemers bruder sone alle mit gesamter hant daz gelt vf di vorgeschriben tage zu leisten an argelist. Ouch hat Hentschel Kretsche- mer vnd sins bruder kinder Fritschen Tulen vnd Hentschel Ronneberge vf gelazzen di nwle vnd den kretschem zu Libental zu eynem pfande, ob si dez geldez nicht gelost wurden, vnd wer iz daz si daz gelt vf schaden mfisten gewinnen, so solden si den schaden slahen vf die selben pfant. Ouch hat her in gelobt zu seczen vnd vf zu lazzen sinen berg, der andersit der Wesnicz leyt. Ouch ist geteydinget, wen man die ersten eylff schok bezalt, so solde die helfte der kinderteil ledig sin von Fritschen vnd von Ronneberge. Oise vorbeschriben gelfibde syn geschen vor gehegter bang, vnd sin gelobt Posern houptman zu Welyn vnd Vllyn von Lichten- steyn houptman zu Libental vnd zum Stolpen zu vnsers herren hant bischof Johannes von MyCen. Dez zu eym gezflgnisse vnd bekentnisse der warheit haben wir vnser stat insigel lazzen anhengen disem offen brife, der gegeben ist nach Cristus gebfirte driczenhundert iar darnach in dem vir vnd sechzigestem iare an sant Matheus tage.

Nach dem Orig. im K. Haupt-Staatsarchiv zu Dresden mit dem sehr beschadigten grossen Siegel der Stadt Pirua an einem Pergamentstreifen.