Wir Rudolff von gotes gnaden bischoff zu Missen selbschuldiger, Heinrich von Ponkow vnd Elstrow gesessen, Nickel von Grislaw zu Helwichstorff gesessen, Hannes von Grislaw zu Diterichsbach gesessen vnd Jan von Spall yn der alden stad gesessen als burgen bekennen —, das wir — schuldig syn dem ersamen hern Nicolaus Czigeler tumherrn zu Missen, Michil seinem bruder vnd alle seinen erben sechczig schog Bemischer groschen Prager czal —, dy sy vns bereit vnd nuczlichen beczalet haben mit gereitem gelde, vnd wir sy ouch in kuntlichen vnsern nucz gewant haben, dy selbien sechczig schog groschen glabe wir egnanter Rudolff bischoff selb- schuldiger, Heinrich von Punkaw — den egnanten hern Nicolaus Czigeler — weider zu beczalen uff den neestzukumfftigen sand Walpurgis tag ane geuerde. Tete wir das nicht vnd an der beczalunge sumig wurden — so glaben wir egnanten burgen vnd iczlicher besundern vnd vngesundert, welcher vnder vns eyner oder meir von den obgnanten vnsern gloubern vormanet wirdet, das — iczlicher besundern yn ryten sal mit czwen pferden vnd mit eynem knechte yn dy stad geyn Missen yn eine gemeine herberge yn eines bedirmannes hus, do wir von vnsern gloubern yn vor- manet wurden — wie No. 836 —. Were ouch von vorgessenheit zu kurz oder zu lang yn dissim vnsern bryfe geschrebin, do mete man brife oder hantfesten zu bre- chen mochte, oder dissir briff zu stochen oder begossin wurde, das alles vnsern gloubern an yrer beczalunge — nicht zu schaden komen sal. Das wir alle disse oben geschreben rede —. Gegebin noch Cristi geburd M° CCCCmo XIIIo sabbato undecim milia virginum.

Nach dem Liber Rudolphi fol. 65 im Stiftsarchiv zu Meissen.