Bonifacius episcopus servus servorum dei ad futuram rei memoriam. Cura solers et pervigil sedis apostolicae hdelium semper intenta saluti ea libenter concedit, quae eorundem fidelium devotionem augere et illis ad salutis incrementum et aeternae vitae adeptionem valeant redundare. Dudum siquidem felicis recordationis Urbauus papa VI. praedecessor noster ex certis rationabilibus causis ad id eius moventibus animum, de consilio fratnun suorum, de quorum numero tunc eramus, apostolicae potestatis plenitudine statuit, ut universi Christi fideles vere poenitentes et confessi, qui in anno a nativitate domini nostri Jhesu Christi millesimo trecentesimo nona- gesimo tunc futuro et deinceps perpetuis futuris temporibus de trigiuta tribus annis in triginta tres annos beatorum apostolorum Petri et Pauli basilicas ac Lateranensem et sanctae Mariae maioris ecclesias de Urbe causa devotionis personaliter visitarent, plenissimam omnium peccatorum suorum veniam consequerentur, ita quod quicunque, qui huiusmodi indulgentiam assequi vellet, si Romanus ad minus triginta continuis

33*

260

vel interpolatis semel saltem in die, si vero peregrinus aut forensis existeret, simili modo quindecim diebus ad easdem basilicas et ecclesias accedere teneretur, prout in ipsius praedecessoris litteris inde confectis plenius continetur. Cum autem, sicut exhibita nobis nuper pro parte dilecti filii nobilis viri Wilhelmi marchionis Misnensis petitionis series continebat, nonnullae personae sexus utriusque tam sui marchionatus Misnensis suorumque et aliorum marchionum Misnensium temporalium dominiorum, quam partium eisdem marchionatui et dominiis adiacentium et aliarum usque ad plures dietas legales a finibus ipsorum marchionatus et dominiorum computandas, quae huiusmodi indulgentiam ex eo consecutae non fuerunt, quia infra eundem annum huiusmodi visitationem non fecerunt, pro parte dicti marchionis nobis fuit humiliter supplicatum, ut huiusmodi personarum saluti providere de benignitate apostolica dignaremur. Nos igitur huiusmodi supplicationibus inclinati, ut confessor, quem ex viginti vel pluribus si necesse fuerit confessoribus idoneis secularibus vel regularibus, quos venerabilis frater noster episcopus Misnensis de consilio et assensu dilectorum filiorum capituli Misnensis et fructuum et proventuum camerae apostolicae in illis partibus debitorum collector vel dicto episcopo absente seu recusante dicti capitulum et collector ad hoc in maiori ecclesia Misnensi deputaverint, super quo ipsis tenore praesentium concedimus potestatem, quaelibet personarum marchionatus ac dominiorum praedictorum ac partium per quatuor dietas eisdem marchionatui et dominiis adia- centium utriusque sexus, cuiuscunque status gradus praeeminentiae aut conditionis existentium, ac etiam forensium, nobilium, mercatorum et aliorum ibidem casualiter venientium ad hoc duxerit eligendum, personis eisdem et earum singulis, ac etiam carissimae in Christo filiae nostrae Margaretae reginae Daciae illustri et eius comiti- vae, si visitationem inferius designatam personaliter fecerint, vere poenitentibus et confessis valeat auctoritate apostolica concedere, ut ipsae et earum singulae vere poenitentes et confessae ut praefertur, quae ipsam maiorem et sanctae Affrae, sancti Georgii, ac monasterii sanctae Crucis ordinis sancti Benedicti, nec non parrochiales sancti Nicolai et sancti Martini extra muros Misnenses, ac domus fratrum minorum sanctorum Petri et Pauli Misnenses ecclesias a fine octavae festivitatis resurrectionis domini nostri Jhesu Christi proxime futurae usque ad octo menses inmediate secu- turos, videlicet dictus Wilhelmus marchio et eius uxor ac familiares eorum, aliique, quos ipse marchio duxerit eligendos et aliae personae, quae extra ipsam civitatem Misnensem foverint lares suos, quatuor aliae autem ex personis praedictis, quae in eadem civitate lares suos foverint, quindecim ad minus continuis vel interpolatis diebus devote visitaverint, illae videlicet ex ipsis personis, quae id commode facere poterunt, quae autem propter senectutem aut adversam valetudinem aut religionis honestatem seu impedimentum legittimum visitationem huiusmodi decenter et commode facere nequiverint, loco visitationis huiusmodi alia pietatis opera faciendo aut orationes dicendo seu alias personas loco sui quae dictam visitationem pro illis faciant desti- nando, prout idem confessor, qui ad personas taliter impeditas causa earum confessio- nes audiendi et huiusmodi indulgentiam illis concedendi et praemissa omnia et singula faciendi accedere possit, eis et earum singulis taliter impeditis duxerit iniungendum, huiusmodi indulgentiam et veniam plenissime consequantur et earum quaelibet conse

261

quatur, ac si infra dictum annum per eundem praedecessorem ut praemittitur depu- tatum ad ipsam Urbem personaliter venissent seu venisset, eiusdem marchionis ac huiusmodi personarum devotioni auctoritate apostolica de speciali gratia tenore prae- sentium indulgemus, sic tamen, quod idem confessor laborem personalem, quem praefatae personae passae fuissent, si ad Urbem supradictam accessissent, eis in alia commutet opera pietatis et expensas, quas personae praedictae in itinere ad ipsam Urbem veniendi et in ea morandi, et ab ipsa ad propria redeundi iuxta earum decen- tiam facturae fuissent, et oblationes quas eisdem basilicis et ecclesiis de Urbe, si ad illas accessissent, propterea obtulissent duobus receptoribus clericis fide ac facultatibus idoneis, quorum alterum episcopus et eo absente seu recusante capitulum, alterum vero collector praefati ad id deputaverint integre vel prout receptores iidem secundum eorum bonas conscientias, quas propterea volumus onerari, super expensis eisdem cum dictis personis eorum arbitrio composuerint, faciat assignari. Volumus etiam quod medietas assignatorum huiusmodi nec non oblationes, quae per huiusmodi per- sonas super altaribus ipsius Misnensis et aliarum praedictarum ecclesiarum per ipsos receptores integraliter assignandorum ad eandem Urbem in basilicarum et ecclesiarum dictae Urbis fabricis, sicut duxerimus ordinandum convertenda, quantocius commode et secure fieri poterit integre et fideliter transmittantur, alia vero medietas in earun- dem Misnensium sancti Nicolai, sanctae Affrae, sancti Oeorgii, sanctae Crucis, sancti Martini et domus [fratrum minorum] ecclesiarum reparatione et fabrica de consilio episcopi et capituli praedictorum, super quo etiam episcopi et particularium perso- narum capituli ipsorum conscientias oneramus, cum integritate per rectores earum omnimode convertatur. Et ne quod absit, propter frivolas opihiones et argumenta nonnullorum quandoque dubia moventium et asserentium eosdem fideles ecclesias praedictas visitantes huiusmodi indulgentias non fuisse consecutos, aliquod dubium quovis modo insurgat, nos eorum dicta frivola seminantium versutias confutantes tenore praesentium declaramus omnes huiusmodi Christi fideles contritos et confessos, qui huiusmodi ecclesias visitaverint ac oblationes et pia alia opera, ac omnia praemissa iuxta modum superius in praesentibus nostris litteris contentum fecerint, huiusmodi plenissimas indulgentias et peccaminum remissiones fuisse plenissime consecutos, ac si ecclesias et basilicas dictae Urbis in anno praedicto personaliter visitassent, ipsis- que frivole seminantibus et asserentibus ne talia asserere de cetero praesumant, sub anathematis poena, quam in ipsos ex nunc prout ex tunc in his scriptis ferimus, tenore praesentium inhibemus. Ceterum omnibus Christi fidelibus, qui forsan propter paupertatem, aut alias legitime impediti ad civitatem Misnensem pro huiusmodi asse- quendis indulgentiis tempore debito venire aut ibi per tot dies stare et ecclesias ad hoc deputatas ex certis causis nequiverint visitare, etiam si cives dictae civitatis aut advenae vel inquilini fuerint, et alias undecunque venientes et ultima ebdomade per duos dies ante exitum seu finem dictorum octo mensium, vel duntaxat die ultima vere poenitentes contritae et confessae ecclesias ipsas ad hoc deputatas visitaverint, indulgentias huiusmodi consequantur, indulgemus, ac si diebus omnibus, quibus eccle- sias necessario visitare tenentur, plenarie visitassent, dummodo illa quae iuxta prae- sentium litterarum nostrarum continentiam tenentur facere, faciant iuxta posse. Insuper

— 262

omnes Christi fideles tenore praesentium exhortamur, ipsisque in virtute sanctae obe- dientiae praecipimus et mandamus, quatinus eorum uxoribus, servis et ancillis et quibusvis aliis eis quovis modo subiectis id volentibus et pie desiderantibus ad dictam civitatem Misnensem veniendi, et in ea per dies, quibus ecclesias praedictas pro huiusmodi indulgentiis assequendis tenebuntur visitare, standi et morandi et ipsas ecclesias visitandi, licentiam largiantur nec ipsis prohibeant in ecclesiis ipsis offerre seu oblationes et alia, quae iuxta huiusmodi ordinationem nostram facere tenentur, secundum eorum facultates adimplere, et alia pietatis opera exercere. Nulli ergo etc. Si quis autem etc. Datum Assisii V. kal. Septembris pontificatus nostri anno quarto.

Rta Gratis.

Aussen: Notariatszeichen. H. Gemghos.

Nach dem Orig. im Stiftsarchiv zu Meissen mit dem Bleisiegel an Faden von rother und gelber Seide.