Ich Hannus von Seuzchin rittyr bekenne offinlich an desim keginwertegin bryue, daz ich dem erwerdegin in gote vatere vnde herren myme herren hern Johanze byschofe czu Missin vnde synen nochkomelingin habe vorkouft rechtlich vnde redelich mynen man Wyndczchewytzen, der do gesessin ist in dem dorfe czu Kywicz, mit deme gute vnde mit dem czendin den her von mir hatte, vm° achezen schok gutyr breytir Pregysschir grosschin, der mich myn egenantir herre czumale beczalet hat, vnde vorczye mich des vorgenantin gutes vor mich vnde vor myne nochkomelinge mit gudin wyllen an desim offin bryue, do myn insegyl czu orkunde dirre vorge- screbin rede an ist gehangin. Gegebin noch Cristi geburte dryczenhundirt iar vnde danoch in dem czwey vnde sechczegystin iare an vrytage noch allir heylegin tage. By desim koufe sint gewest dy gestrengin her Heynrich von Kothewicz, her Dythe- rich vome Honsberge, her Dypold von Schonenfeld, her Nicklaus Kochemeyster rittere vnde andirre bedirben lute gnfik, den wol czu gleubin ist.

Nach dem Orig. im K. Haupt - Staatsarchiv zu Dresden; das Siegel ist abhanden gekommen.

55