In nomine domini amen. Anno nativitatis eiusdem M°. CCC°. LXXII°. indictione decima mensis Februarii die XXVIII" hora quasi completorii in domo habitationis discreti viri Friczkonis Bellecow opidani in Vrankenuorde pontificatus sanctissimi in Christo patris ac domini nostri domini Gregorii divina providentia papae XI. anno secundo in mei notarii publici subscripti ac testium subscriptorum praesentia consti- tutus venerabilis et religiosus vir frater Nycolaus abbas Novae Cellae Cisterciensis ordinis Misnensis diocesis in medium produxit quandam papiri cedulam, in qua sui conventus monasteriique sui nomine provocavit appellavit apostolos petiit protestatus fuit et alia fecit, prout in dicta cedula continetur cuius tenor sequitur in haec verba et est talis: Coram vobis honorabili viro Nycolao Durrekoup clerico Lubucensis dio- cesis publico imperiali auctoritate notario tanquam coram autentica persona et vobis aliis testibus circumstantibus ego frater Nycolaus abbas monasterii Novae Cellae Cisterciensis ordinis Misnensis diocesis mei conventus ac monasterii mei nomine animo

123

provocandi et appellandi dico et propono, quod licet venerabilis in Christo pater ac dominus, dominus meus Conradus Misnensis ecclesiae episcopus praetendens se col-' lectorem a venerabili in Christo patre ac domino domino Johanne tunc Wormatiensis ecclesiae episcopo collectore principali apostolicae sedis super procuratione biennali camerae apostolicae per me nomine monasterii mei danda ac solvenda deputato sub- delegatum processus poenales, poenas et censuras continentes contra me, conventum et monasterium meum alias emiserat, in quibus me monuerat, ut dictam procura- tionem biennalem nomine quo supra certo et peremptorio termino mihi praefixo exsolverem, infra quem ut filius obedientiae dictam procurationem biennalem in duobus terminis solvendam simul in uno termino certis collectoribus suis per ipsum ad hoc specialiter deputatis et taxatam ad sextam partem omnium bonorum et proventuum monasterii mei praedicti videlicet ad quinquaginta florenos plenarie exsolveram. Tamen dicitur et narratur ut intellexi, quod praefatus dominus meus Conradus episcopus praedictus auctoritate apostolica qua supra denuo novos pro- cessus poenales puta excommunicationis suspensionis interdicti contra me conventum et monasterium meum de facto promulgavit pro dictis florenis iam solutis in mei conventusque ac monasterii mei non modicum praeiudicium dampnum et gravamen. Ex his omnibus et singulis gravaminibus praesentibus praemissis et occasione prae- missorum futuris neenon ex omnibus et singulis gravaminibus, quae ex actis et factis litteris processibus et mandatis dicti domini mei episcopi colligi possunt seu quomo- dolibet colliguntur, sentiens me conventum et monasterium meum indebite gravatum, timens me in posterum plus gravari posse ad sedem apostolicam in scriptis provoco et appello nomine quo supra, apostolos peto primo instanter, secundo instantius, tertio instantissime si quis sit qui in eos dare velit sive possit, qui si mihi denegati fuerint ex eorum denegatione tamquam ex novo gravamine ad sedem apostolicam provoco antedictam, subiiciens me ac omnia bona monasterii mei mobilia immobilia tuitioni et protectioni sedis memoratae, protestans nihilominus quod hanc praesentem meam appellationem volo renovare corrigere et emendare, mutare et sibi addere, legere et publicare et dicto domino meo episcopo insinuare totiens quotiens mihi visum fuerit expedire non ad superflua, sed duntaxat intentioni meae necessaria astringens me probaturum. Lecta et interposita est haec appellatio anno indictione mense die hora loco et pontificatu quibus supra praesentibus discretis viris et dominis Bernhardo archidiacono, magistro Bertramo Joden in decretis baculario neenon Hildebrando ple- bano Vrankenuordensi canonicis ecclesiae Lubucensis testibus ad praemissa vocatis specialiter et rogatis.

Et ego Nycolaus Durrekoup clericus Lubucensis diocesis publicus imperiali auctoritate notarius praedictae appellationis interpositioni ipsiusque lectioni apostolorum petitioni neenon omnibus et singulis aliis, dum sic ut praemittitur fierent, una cum praenominatis testibus praesens interfui eaque sic fieri vidi et audivi, propria manu fideliter conscripsi et in hanc formam publicam redegi sigrioque meo solito et consueto signavi rogatus et requisi- tus in evidens testiinonium omnium praemissorum.

Nach einer wahrscheinlich gleichzeitigen Abschrift auf Papier im K. Haupt-Staatsarchiv zu Dresden.

16*

124 —