In nomine domini amen. Noverint inspectores et auditores praesentium uni- versi, quod nos dei gratia Johannes de Strel praepositus, Theodericus de Goch decanus, Palbertus de Mulhusin cantor, Theodericus de Cappelndorf scolasticus, Henricus de Slynicz archidiaconus Nisicensis, Albertus Knfit praepositus Budissinensis, Johannes de Draynicz custos, Fredericus de Milticz praepositus Wurczinensis, Conradus Pruze praepositus Haynensis, Conradus de Walhusin vel de Kirchberg dictus archidiaconus Lusaciae, Jerko de Wolfticz, Wernherus de Ertmarstorf, Bertoldus Wilde canonici totumque capitulum ecclesiae Missnensis indulti et consensus incliti principis domini Ludewici Romani marchionis Brandeburgensis beneficium de praepositura seu ecclesia parrochiali in Lubbin cum suis redditibus obventionibus iuribus pertinentiis consue- tudinibus et honoribus universis archidiaconatui Lusatiae unienda et incorporanda factum spirituali remuneratione reconpensare sicut decet et expedit cupientes, de reve- rendi patris ac domini nostri domini Johannis episcopi totiusque capituli nostri Miss- nensis consilio unanimi et consensu ad hoc nos benivole astrinximus et obligavimus et nihilominus harum astringimus et obligamus serie litterarum, quod dominus Con- radus praefatus postquam praepositurae vel ecclesiae parrochialis in Lubbin praedictae possessionem pacificam adeptus fuerit, et quilibet ipsius in archidiaconatu eodem suc- cessor — mox post collationem uni canonicorum nostrorum de archidiaconatu memo- rato, cuius collatio ad episcopum nostrum Missnensem, qui pro tempore fuerit spectare dinoscitur factam, sicut praefatus dominus Conradus se actu astrinxit ad anniversa- rium progenitorum ipsius heredum et successorum suorum et specialiter quondam Ludewici marchionis Brandenburgensis fratris ipsius, qui sabbato ante diem beati Mathei apostoli diem clausit extremum, in ecclesia Missnensi praedicta annis singulis cum vigiliarum commemorationis et missarum sollempniis consuetis et debitis per- agendum bona fide et benivole et sub obedientiae debito se astringent, ipseque dominus Conradus archidiaconus Lusatiae supradictus et singuli eius successores die praedicta, qua dominus Ludewicus marchio Brandeburgensis decessit, et postmodum die mortis dicti domini Romani et ultimo die obitus domini Ottonis fratris sui marchionis Brande- burgensis cum vigiliarum commemorationis et missarum sollempniis consuetis et debitis panno serico et candelis appositis annis singulis ibidem Missnae perpetuis temporibus peragere tencbuntur. Ad observationem igitur praemissorum inviolabilem nos et successores nostros de capituli nostri consensu, confirmatione domini nostri Johannis episcopi Missnensis subsecuta, bona fide obligamus, dicti capituli nostri sigillum maius praesenti paginae duximus appendendum, praesentibus et testibus honorabilibus et discretis viris dominis Syftrido et Alberto episcopalibus, Conrado Reczen, Petro Tammynhain et magistro Hermanno de Nova Civitate perpetuis vicariis ecclesiae Miss- nensis praefatae. Actum et datum Missnae anno domini millesimo trecentesimo sexa- gesimo primo decima die mensis Novenbris.

Nach dem Orig. im K. Geh. Staatsarchiv zu Berlin mit dem ziemlich wohl erhaltenen Siegel des Capitels an einem Fergameutstreifen.

COD. DIPL. SAX. II. 2. 7

50