Wir Rudolff von gotis gnaden bischoff czu Missin bekennen —, das wir durch rechtir schuld vnd notdurft willen, dy vns vnd vnser kirchen czu Missen anlangeten von bischoff Thimen seligis gedechtenisse vnsirs neesten vorfaren, haben vorkouft uff eynen wyderkouff myt wissen vnsirs cappittels czu Missen czehen schog grosschen yerlichir gulde vnd czinse den vorsichtigen luten Richard burger czu Pyrne funff schog, vnd Michel Cunraden burger czu Camencz funffe vmb hundirt schog Pregi

397

schir grosschen, dy sy vns nuczlichin beczalt haben, vnd uff vnser stad Bischoff- werde vorschriben vnd bewyset. Dy selben czehen schog jerlichir gulde vnd czinse vnser liben getruwen burgermeister vnd rathmanne czu Bischoffwerde von der stad wegen den vorgnanten burgern czu Pyrne vnd Camencz gelabit haben uff yre tage- czyt von yare czu yare czu geben —. Ouch habe vns dy selben kouffer sulche gute getan, wenne wir vnser nachkomelinge adir eyn cappittel — dy selben czinse wedir kouffen welden, das sal man yn eyn vyerteil yars vorsagen vnd yn dy vor- sessen czinse vnd eyne summe geldis als oben geschrebin stet wydir beczalen —. Des czu orkunde — gegeben nach Cristi geburte vyerczenhundirt jar darnach yn dem XIII. jare an sente Michils tage.

Vnd wir Johannes techand, Caspar von Schonenberg etc.

Nach dem Liber Rudolphi fol. 6.3t> im Stiftsarchiv zu Meissen.