Wir Wilhelm von goczs gnadin marcgrafe zcu Mizsen in dem Ostirlande vnde zcu Landisperg bekennen vfnnlichin mit disem geinwertigen brife vnde tun kunt allen den, die yn sehen adir horin lesin, daz wir habin vorkouft erbiglich vnde recht vnde redelich mit wolbedachten mute vnde nach rate vnser frunde vnde manne dem erwirdigen in got vater vnde herren herren Nyclause bisschoffe zcu Mizsen, sinem capitele goczhuse vnde nachkomenden bisschofen zcu Mizsen vnde an sie gewiist Dobelyn hus vnde stad vnde waz darczu gehoret, mit manschaften mit lehen geistlich vnde werltlich mit angefellen in der stad vnde vf dem lande, mit allin gerichten gros vnde kleyne, mit wegin vnde nicht wegin, mit ackern mit holcze mit jayt mit wysen mit wassern mit vischeryen vnde mit allen den nuczen eren vnde vryheiten, wie die namen habin adir gehabin mogin, an zcinsen an beten an geleyte an zcolle vnde an alle dem daz wir da gehat habin^ wie man daz nennet der nemen wir keins vz, vnde habin ouch darczu vnde darmite vorkouft an vnser stad Dresden rechte iarrente hundirt schog dryvndeczwenczig schog dry vnde funfczig groschen Pregischer muncze ierlicher gulde, der yn vnsere burgere der stad Dresden vf sent Michels tag achtvndesybinczig schog dryvnde dryzsig groschen vnde vf send Walpurge tag funf- vndevyrczig schog vnde zcwenczig groschen allis Preger muncze ierlich reichin vnde gebin, vnde yn die wol vorbrifen vnde vormachin sullen in alle der mazze vnde lute, als sich yn andere vnsere stete Mizsen Hayn adir Torgow vmbe ierliche gulde vnde zcinse vorschribin vnde vorbunden habin, vnde wisen ouch daz an yn vnde an sin capitel goczhus zcu Mizsen vnde an sine nachkomen bisschoffe zcu Mizsen als eyn recht eygen,xals wir daz bis her gehabet habin, vmbe funf tusent schog guter breyter groschen, der er vns iczunt zcu male beczalt hat vnde wir von ym enphan- gen habin, vnde die wir in vnsern nucz habin gewant, vnde sagin yn der ledig vnde los mit disem brife. Ouch so habin wir gered mit dem egenanten vnserm herren hern Nyclause bysschoffe zcu Mizsen, daz er vns von sundirlichir gunst vnde frunt- schaft wil vnde sal gunnen, wenne wir adir vnsere erbin adir vnsere nachkomen daz selbe gut Dobelyn hus vnde stad manschaft vnde gerichte vnde waz wir ym da vorkouft habin, wie daz namen hat, vnde die egenantin gulde die wir ym damite vorkouft habin, wullen widerkoufen, daz sal er vnde sin capitel vns vnsern erbin vnde nachkomelingen wider zcu koufin gebin vnde wider antwerten vmbe funf tusent schog guter breyter groschen, vnde wenne wir vnsere erbin adir nachkomelinge disen widerkouf tuu wullen, daz sullen wir ym vnde sime capitel zcu Mizsen vnde sime nachkomelinge bisschoffe zcu Mizsen sechs manden vore lazzin wizzin, vnde ym vnde sime capitele daz selbe gelt funf tusent schog guter breyter groschen beczeczalen zcu dem Stolpen adir vf welchem huse adir in welcher stad in dem lande zcu Mizsen sie daz wullen vnde des eintrechtig werdin mit einander. Wenne bynamen

COD. DIPL. SAX. II. 2. 28

218

daz also gemacht geschicket geteydinget vnde gered ist, daz der bisschof zcu gecziten nicht sal nach mag daz gelt die funf tusent schog groschen alleyne enphahen vnde innemen, wenne wir vnsere erbin adir nachkomelinge daz selbe gut widerkoufin wullen, sundern er sal daz enphahen vnde innemen mit dem capitel zcu Mizsen vnde daz capitel mit ym, vnde sullen daz selbe gelt funf tusent schog mit einander enpha- hen vnde innemen, vnde is wenden an des goczhusis nucz zcu Mizsen vnde nergin andirs. Were ouch daz sich daz also geburtc, daz nicht bisschofs zcu Mizsen were, so sal daz capitel zcu Mizsen daz hus vnde stad zcu Dobelyn vnde waz darczu gehoret mit dem lande vnde mit der obgenanten gulde, die wir darmite vorkouft habin, innehaben als andere des goczhusis vesten, vnde woyldin wir vnsere erbin adir nachkomelinge die selbe zciit die wile nicht bisschofs were, Dobelyn hus vnde stad vnde waz darczu gehoret mit der obgenantin gulde widerkoufin, daz sullen wir widerkoufen wider daz capitel zcu Mizsen, daz sal vns daz wider antwerten vnde vorkoufin, vnde daz sal ouch die beczalunge von vns nemen in der wise also vor- stet geschribin. Ouch ist gered vnde geteydinget, daz der selbe vnser herre bisschof zcu Mizsen sal vorbuwen hundirt schog breyter groschen an dem huse zcu Dobelyn, vnde sal daz tun mit gutem wizzin, vnde die selbin hundirt schog slahen vf die funf tusent schog, vnde wenne wir adir vnsere erbin adir nachkomelinge woyldin widerkoufin Dobelyn hus vnde stad vnde waz darczu gehoret mit der obgenantin gulde, so sal er adir sine nachkomelinge adir sin capitel vns adir den vnsern nicht widergebin nach antwerten Dobelyn hus vnde stad vnde waz darczu gehoret nach die mergenante gulde, ym werde denne daz gelt die hundirt schog mit den funf tusent schoken. Ouch ist bynamen geteydinget, daz wir vnde vnsere erbin vnde nachkomelinge daz hus vnde stad zcu Dobelyn vnd daz lant vnde lute vnde waz darczu gehort, die wile sie der bisschof vnd daz capitel habin, schuczen vnde schir- men vnde getruwelich vorteydingen sullen vnde wullen vor allirmenglich vnde vor allir vnrechter gewalt, als ab wir die selbir innehetten. Ouch ist gered, were daz der selbe vnsir herre er Nyclaus bisschof zcu Mizsen adir sine nachkomelinge wider- kouften adir losten zcinse adir gulde, die wir adir vnsere brudere da vorsaczt adir vorligen habin in der stad adir vf dem lande, die wile wir adir vnsere erbin ys nicht widerkouften, daz mogin sie tun, vnde wenne wir denne Dobelyn hus vnde stad vnde daz lant mit der obgeschribin gulde widerkouften, so sal er adir sine nachkomelinge adir daz capitel zcu Mizsen daz selbe gut, daz sie also gekouft habin vnde gelost, innehabin vnde geruwiglichin ane hindernizze gebruchen also lange daz yn ir gelt wider von vns werde, daz sie darumbe gegebin habin, vnde sullen ouch die strazzen die zcu der stad nu gehen, nergen andirs legin nach die lute die die strazze faren, nergen andirs zcu faren twyngen, vnde wo sie ander strazzc furen, daz mag der bisschof vnde daz capitel weren, daz sal wider vns nicht sin, vnde sullen daz helfin, weren ab wir adir vnsere nachkomelinge des von yn vormant werdin. Ouch ist gered, were daz got doch nicht wulle ab kryg zcwisschen vns vnde eyme bisschoffe adir dem capitel zcu Mizsen wurde, so sal Dobelyn hus vnde stad mit dem lande stille vnde geruwig siczen in dem kryge, vnde sal von vns vnde vnsern erbin vnde nachkomelingen vnbeschediget blyben vnde von allen den

219

die durch vnsern willen tun vnde lazzin wullen. Ouch sal der selbe vnser herre er Nyclaus bisschof zcu Mizsen adir sine nachkomelinge adir daz capitel kein gut in der stad adir in dem gerichte zcu Dobelyn nicht eygen wider phaffen adir monchen adir nunnen adir ymande andirs, sy sint geistlich adir werltlich, sie tun is denne mit vnserm wizzin adir guten willen. Daz wir disen kouf vnd vorgeschribin rede vnde stucke stete vnde gancz wullen vnde sullen haldin vnuorbrochlich in allir wise, als hy vore stet geschribin, vnde des nymmer vorrucken nach vorbrechin wullen mit worten nach mit werken, daz globin wir mit guten truwen ane allirleyge argelist vnde geuerde, vnde habin des darobir zcu orkunde vnser grozze furstliche insigel an disen brif lazzin hengin. Hirby sint gewest vnde sin ouch geczuge die edeln vnde die gestrengin er Albrecht burcgrafe von Lizsenig herre zcu Roksberg, er Ditherich von Wyczeleiben, er Tamme Phlug, er Tyczman truchtsezze von Borne, er Heinrich Grozse rittere, Conrad von Bresenicz, Otte von Birkich, Vlman von Mol- bach, Ludewig von Kanicz, Dytherich von Wydenbach vnsere liebin getruwin vnde andir lute gnug, den wol ist zcu gloubin. Gegebin zcu Mizsen nach Cristi geburt dryczenhundirt iar in dem funf vnde achczigsten iare an sent Johans baptisten abinde.

Nach dem Orig. im K. Haupt-Staatsarchiv zu Dresden mit dem zerbrochenen Siegel des Markgrafen an Faden von grtiner und rother Seide.