Ich Petir Strossman burger czu Misne bekenne offintlich in dissem briffe vor mich vnd alle myne erbin vnd erbnemen vnd thu kunt allen, dy en sehin adir horen lesin, daz ich mit wolbedochtem muthe vnd gutem vorrate myner frunde eynen wingarten gelegin czu Czuczkewicz, den ich gekouft hatte wedir Hanse Kundigen vnd den ich czu lehen hatte von myme herren dem bisschoffe czu Misne, czu eyme rechtin selegerethe gegebin habe den ersamen herren . . techande vnd capittele der kirchen czu Misne vnd vor myme herren dem bisschoffe en den williclich ufgelaCen habe, vnd der bisschof en den gelegin vnd gefryet hat ane alle ansprache vnd hin- dernis. Besundern habin mir dy vorgnantin herren techand vnd capittil czu MiCin sulche gunst vnd fruntschaft bewiset, daz sy den vorgnanten wyngarten mir, Eliza- beth myner elichen frawen, Margarethen vnd Dorothean mynen tochtern mit allen synen fryheiten, burden vnd czugehorungen habin gelegin vnd gegcbin czu alle vnsir lieben genczlich czu besiczen, in sulchir wyse vnd mit sulchir vndirscheit, daz wenne ich vorgnantir Petir vnd Elizabeth myne wirtynne von disser werlde scheiden mit dem tode, so sal man vns in dem thume begraben. Ouch habe ich mich megnantir Petir dez vor den vorgnanten herren vorwillekort, ab myne wirtynne ehr vs disser werlde scheidet, wenne ich, so sal ich vnd wil ere iargeczit in der kirchen czu Misne ierlich la1ten begen mit vigilien vnd selemessen von mynen pfennyngen, iczli- chem thumherren czwene groschen, vicarien vnd cappellan czu eyme groschen czu gebin, alz das gewonheit ist in der kirchen. Gebote abir got ehr 6bir mich, daz got schicke nach synen gnaden, so sal dy vorgeschrebin Elizabeth myne wirtynne ouch von erre habe vnd pfennyngen myne iargeczit ierlich laCin begen in der megnantin kirchen, in allir wyse alz obin stet geschrebin, vnd wenne wir beyde vorscheiden, so sollen Margaretha vnd Dorothea vnsir tochtere onch vnsir iargeczit uf eynen tag mit eyn- andir ierlich laCen begen in sulchir wise, alz oben ist geschrebin, vnd st6rbe myner t6chtere eyne, so sal is dy andere thun ane wedirsprechen. Ouch wenne wir alle viere, beyde eldern vnd t6chtere vorscheiden, so sal denne der vorgeschrebin wyn- garte mit alle syner czugeh6runge an der vorgnanten kirchen vnd capittils czu MiCen nucz vnd frommen geuallen vnd ansterben ane alle enpferrunge vnd ansprache myner erbin, vnd so sollen denne dy dickegnantin herren techand vnd capittil czu Misne

279

nach vnser allir tode den selbin wingarten behalden adir vorkoufen dez bestin, dez sy m6gen vnd vmme dy pfennynge, wy vil er gegelden mag, sollen sy k6ufen ewige czinse, do von sy in erre kirchen czu Misne myne, Elizabeth myner wirtynnen vnd myner t6chtere iargeczit, eyns ym iare, wenne sich das geb6ren wirt, mit dem gelfite, mit der vigilien vnd selemesse sollen begen ewiclich nach gewonheit erre kirchen, czwei teil dez czinses den thumherren vnd daz dritte teil vicarien vnd cappellan der kirchen czu Misne, dy denne keinwertig syn in der egnantin vigilie vnd messe, vnd dem . . custodi, . . schulemeistere vnd gl6ckenere sollen sy gebin, waz en geb6rt von der thumherren czwei teile nach gewonheit erre kirchen vnd nach lnthe vnd vswy- sunge dez briffes, den sy mir dar obir gegebin habin. Alle vorgeschrebene rede, stiicke vnd artikil globe ich megnantir Petir StroCman vor mich vnd alle myne erbin den vorgnantin herren . . techande vnd ganczem capittile der kirchin czu Misne ewic- lich zcu halden in guten truwen vnvorbrochen. Vnd dez czu eynem bekentnisse habe ich myn ingesigil mit wissen vnd willen an dissen offin brief laCen hengen, der gegebin ist nach gotis gebort driczenhundirt iar darnach in dem sebin vnd nunczi- gistem iare an sente Jacofs tage dez heiligen czwelfpoten. Do by sint gewest vnd syn geczuge dy wysen herren Heinricus von Tubinheim, Franciscus von Sommerfeld, ewige vicarien, vnd Nicolaus Peregrini, cappellan in der dickegnantin kirchin czu Misne, dy dorczu syn gerufen vnd gebetin.

Nach dem Orig. im Stiftsarchiv zu Meissen mit dem Siegel P. Strossmanns (Hausmarke) an einem Pergamentstreifeu.