Alexander episcopus — venerabili fratri Thimoni episcopo Misnensi salutem etc. Personam tuam etc. Volentes igitur tuam, qui ut asseris nullam canonicalem prae- bendam in ecclesia tua conferre habes, honorare personam et per honorem tibi exhi- bitum aliis providere, fraternitati tuae providendi hac vice duntaxat auctoritate apo- stolica duabus personis idoneis, quas ad hoc duxeris eligendas de duobus canonicatibus eiusdem ecclesiae cum plenitudine iuris canonici ac faciendi personas ipsas vel pro- curatores suos earum nominibus in dicta ecclesia in canonicos recipi et in fratres, stallo eis in choro et loco in capitulo ipsius ecclesiae cum dicti iuris plenitudine assignatis neenon reservandi pro eisdem personis donationi tuae duas praebendas in dicta ecclesia, si quae vacant ad praesens vel cum vacaverint, quas personae ipsae per se vel procuratores suos ad hoc legitime constitutos infra unius mensis spatium, postquam eis vel dictis procuratoribus vacatio illarum innotuerit, duxerint acceptan- das, conferendas personis eisdem, etiam si quaelibet unum vel duo seu tria alia beneficia ecclesiastica cum cura vel sine cura obtineat, post acceptationes huiusmodi cum omnibus iuribus et pertinentiis suis, nec non inhibendi districtius successoribus ruis episcopis qui erunt pro tempore et dilectis filiis capitulo Misnensi ac illi vel illis, ad quem vel ad quos in eadem ecclesia praebendarum collatio provisio praesentatio seu quaevis alia dispositio communiter vel divisim pertinet, ne de huiusmodi prae- bendis intcrim etiam ante acceptationes easdem, nisi postquam ipsis constiterit, quod personae vel procuratores praedicti illas noluerint acceptare, disponere quoquo modo praesumant et nihilominus praebendas easdem, quas reservabis, si ut praefertur vacant vel cum vacaverint personis praefatis post acceptationes praedictas cum omnibus iuribus et pertinentiis supradictis eadem auctoritate conferendi, inducendi quoque per te vel alium seu alios personas ipsas vel procuratores huiusmodi ipsorum nominibus in corporalem possessionem praebendarum iuriumque et pertinentiarum praedictorum et defendendi inductas ac faciendi eis de ipsorum canonicatuum ct praebendarum fructibus redditibus proventibus iuribus et obventionibus universis integrc respontleri, contradictores quoque per censuram ecclesiastJcam appellationc postposita compescendi, non obstantibus quibuscunque statutis ct consuetudinibus ipsius ecclesiac contrariis, iuramento confirmatione apostolica vel quacumque firmitate alia roboratis. Aut si

353

aliqui apostolica vel alia quavis auctoritate in eadem ecclesia in canonicos sint recepti vel ut recipiantur insistant, seu si super provisionibus sibi faciendis de canonicatibus et praebendis ipsius ecclesiae speciales vel aliis beneficiis ecclesiasticis in illis parti- bus generales dictae sedis vel legatorum eius litteras impetrarint, etiam si per eas ad inhibitionem reservationem et decretum vel alias quomodolibet sit processum, qui- bus omnibus praeterquam auctoritate nostra in ipsa ecclesia receptis vel praebendas expectantibus in eadem personas praefatas in dictarum praebendarum assecutione volumus anteferri, sed nullum per hoc eis quoad assecutionem canonicatuum et prae- bendarum aut beneficiorum aliorum praeiudicium generari, seu si dictis successoribus et capitulo vel quibusvis aliis communiter vel divisim ab eadem sit sede indultum, quod ad receptionem vel provisionem alicuius minime teneantur, et ad id compelli aut quod interdici suspendi vel excommunicari non possint, quodque de canonicatibus et praebendis ipsius ecclesiae aut aliis beneficiis ecclesiasticis ad eorum collationem provisionem praesentationem seu quamvis aliam dispositionem coniunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mentionem et qualibet alia dictae sedis indulgentia generali vel speciali cuiuscumque tenoris existant, per quam praesentibus non expressam vel totaliter non insertam effectus earum impediri valeat quo- modolibet vel differri, et de qua cuiusque toto tenore habenda sit in nostris litteris mentio specialis, aut si dictae personae praesentes non fuerint ad praestandum de observandis statutis et consuetudinibus psius ecclesiae solita iuramenta, dummodo in absentia sua per procuratores idoneos et cum ad ecclesiam ipsam accesserint corpo- raliter illa praestent, plenam et liberam concedimus tenore praesentium facultatem. Volumus autem, quod de nominibus et cognominibus personarum ac diebus collatio- num huiusmodi gentes camerae apostolicae seu collectorem fructuum et proventuum eidem camerae debitorum in illis partibus deputatum pro tempore quantocius certifi- care procures. Et insuper ex nunc irritum decernimus et inane, si secus super his a quoquam quavis auctoritate scienter vel ignoranter contigerit attemptari. Dat. Pisis Non. Julii pontificatus nostri anno primo.

Rutgerus. A. de Cumis.

Nach dem Orig. im Stiftsarchiv zu Meissen mit dem Bleisiegel wie No. 806.